आता प्रत्येक भारतीयाकडे असणार एक युनिक हेल्थ आयडी, जाणून घ्या मोदी सरकारची नवी आरोग्य योजना

By, shreekant patil - September 23, 2021 06:00:57

0

Now every Indian will have a unique health ID, know what is the plan of Modi government

Every Indian Will Have A Unique Health ID : पंतप्रधान नरेंद्र मोदी पुढील आठवड्यात एक मोठी योजना सुरू करणार आहेत. यामध्ये प्रत्येक भारतीयाला एक युनिक हेल्थ आयडी मिळेल. पीएम मोदी 27 सप्टेंबर रोजी पंतप्रधान डिजिटल आरोग्य मिशन सुरू करणार आहेत. आरोग्यमंत्री मनसुख मंडाविया यांनी ही माहिती दिली आहे. Now every Indian will have a unique health ID, know what is the plan of Modi government

विशेष प्रतिनिधी

नवी दिल्ली : पंतप्रधान नरेंद्र मोदी पुढील आठवड्यात एक मोठी योजना सुरू करणार आहेत. यामध्ये प्रत्येक भारतीयाला एक युनिक हेल्थ आयडी मिळेल. पीएम मोदी 27 सप्टेंबर रोजी पंतप्रधान डिजिटल आरोग्य मिशन सुरू करणार आहेत. आरोग्यमंत्री मनसुख मंडाविया यांनी ही माहिती दिली आहे.

युनिक हेल्थ आयडीमध्ये त्या व्यक्तीचे संपूर्ण आरोग्य रेकॉर्ड असेल. मिळालेल्या माहितीनुसार, प्राप्त होणारा युनिक आयडी आधार कार्ड आणि लोकांच्या मोबाइल नंबरच्या मदतीने तयार केला जाईल. PH-DHM चे मुख्य उद्दिष्ट भारताच्या आरोग्य व्यवस्थेमध्ये आणखी सुधारणा करणे आहे. हा आरोग्यसेवेच्या गरजांसाठी वन-स्टॉप उपाय आहे. यामुळे आरोग्य सेवा पुरवणाऱ्या संस्थांपर्यंत पोहोचणे सोपे होईल आणि त्यांची जबाबदारीही वाढेल.

युनिक हेल्थ आयडी म्हणजे काय?

युनिक हेल्थ आयडी 14 अंकी रँडम पद्धतीने तयार केलेली संख्या असेल. याच्या मदतीने व्यक्तीचे आरोग्य रेकॉर्ड ठेवता येते. आधार कार्डवरून वा फोन नंबरच्या मदतीनेही युनिक आयडी तयार करता येईल.

आधारला एक युनिक हेल्थ आयडी म्हणून का वापरला जाऊ शकत नाही? याला प्रतिसाद देताना मंत्रालयाने आधीच सांगितले की, फक्त त्या ठिकाणी आधार लिंक करणे आवश्यक आहे, जिथे थेट लाभ हस्तांतरणाची चर्चा आहे. हे इतर कोठेही वापरले जाऊ शकत नाही.

या योजनेला आधी पंतप्रधान डिजिटल आरोग्य अभियानापूर्वी राष्ट्रीय डिजिटल आरोग्य अभियान (NDHM) असे संबोधले जात असे.

पंतप्रधान डिजिटल आरोग्य अभियान

पंतप्रधानांचे डिजिटल आरोग्य अभियान सध्या पथदर्शी प्रकल्प म्हणून चालवले जात आहे. याअंतर्गत केंद्रशासित प्रदेश अंदमान आणि निकोबार बेटे, चंदिगड, दादरा आणि नगर हवेली आणि दमण आणि दीव, लडाख, लक्षद्वीप आणि पुद्दुचेरी येथे डेटा गोळा केला जात आहे.

या क्षणी जर तुम्ही NDHMच्या साइटवर गेलात. तेथे तुम्हाला हेल्थ आयडी तयार करण्याचा पर्याय दिसेल. पण आता ती सुविधा फक्त वर नमूद केलेल्या राज्यांसाठी उपलब्ध आहे.

Now every Indian will have a unique health ID, know what is the plan of Modi government

महत्त्वाच्या बातम्या