झारखंडमध्ये भीषण रेल्वे अपघात, हावडाहून मुंबईला जाणाऱ्या रेल्वेचे 18 डबे रुळावरून घसरले Terrible train accident in Jharkhand 18 coaches of train from Howrah to Mumbai derailed

झारखंडमध्ये भीषण रेल्वे अपघात, हावडाहून मुंबईला जाणाऱ्या रेल्वेचे 18 डबे रुळावरून घसरले

Terrible train accident in Jharkhand 18 coaches of train from Howrah to Mumbai derailed

या दुर्घटनेत दोन प्रवाशांचा मृत्यू झाला असून, 20 जण जखमी झाले आहेत Terrible train accident in Jharkhand 18 coaches of train from Howrah to Mumbai derailed

विशेष प्रतिनिधी

दिल्ली: झारखंडमध्ये एक मोठा रेल्वे अपघात झाला आहे. टाटानगरमधील पोटोबेडाजवळ सेराईखेला येथे रेल्वेचे 18 डबे रुळावरून घसरले असून या अपघातात 2 जणांचा मृत्यू झाला असून 20 जण जखमी झाले आहेत. या अपघातात अन्य दोन जण गंभीर जखमी झाले आहेत. सर्व जखमींवर प्राथमिक उपचार करण्यात येत असल्याची माहिती रेल्वेकडून देण्यात आली आहे. अपघातस्थळावरून प्रवाशांना नेण्यासाठी रेल्वेने विशेष कोचिंग रेक आणि बसेसची व्यवस्था केली आहे.

झारखंडमध्ये इमारत कोसळून 3 ठार, 4 जणांना वाचवण्यात यश, 8 तास चालले NDRFचे बचावकार्य

हावडा-सीएसएमटी एक्स्प्रेस, चक्रधरपूर विभागातील राजखरस्वान पश्चिम आऊटर आणि बारांबू दरम्यान रुळावरून घसरली. हावडा-सीएसएमटी एक्स्प्रेस रुळावरून घसरल्यानंतर रेल्वेने हेल्पलाइन क्रमांक जारी केले आहेत.

मंगळवारी पहाटे 3.45 च्या सुमारास चक्रधरपूर विभागातील राजखरस्वान वेस्ट आऊटर आणि बारांबू दरम्यान गाडी रुळावरून घसरली. यावर झारखंड मुक्ती मोर्चाच्या वतीने प्रतिक्रिया व्यक्त करण्यात आली आहे. पक्षाने टोमणा मारला आणि म्हटले की हेमंत सोरेन किंवा इंडियाचा आघाडीचा यात कोणताही सहभाग नाही. याची संपूर्ण जबाबदारी तुमच्या रेल्वेमंत्री आणि केंद्र सरकारची आहे. रेल्वे मंत्र्यांना रील बनवण्यापासून परावृत्त करा आणि त्यांनी रेल्वेकडे लक्ष द्यावे.