विशेष प्रतिनिधी
नवी दिल्ली : कोव्होव्हॅक्स लशीची मुलांवर चाचणी घेण्यासाठी सीरम इंडिया इन्स्टिट्यूटला केंद्र सरकारच्या आयोगाने परवानगी नाकारली आहे.या चाचण्यांना देशात मार्चमध्ये प्रारंभ झाला, मात्र केंद्रीय औषध दर्जा नियंत्रण संघटनेच्या विषय तज्ज्ञ समितीने मुलांबाबत नकार दिला.Serum was denied permission by the central government to conduct tests on children
कोणत्याही देशाने या लशीला अद्याप मान्यता दिली नसल्याचे कारण सांगण्यात आले. तीनपैकी दुसऱ्या टप्प्यात दोन ते १७ वयोगटातील मुलांवर चाचण्या घेण्याचे सीरमचे नियोजन होते. विविध १० ठिकाणी या चाचण्या होणार होत्या.
२ ते ११ आणि १२ ते १७ अशा वयोगटांतील प्रत्येकी ४६० याप्रमाणे ९२० मुलांवर चाचण्यांची तयारी करण्यात आली होती. त्यासाठी सोमवारी अर्ज करण्यात आला होता.सध्या प्रौढांवर सुरु असलेल्या प्रयोगशाळेतील चाचण्यांवरून सुरक्षितता आणि रोगप्रतिकारशक्तीची आकडेवारी आधी सादर करावी आणि त्यानंतर मुलांवरील चाचण्यांचे नियोजन पुढे न्यावे अशी सूचना सीरमला करण्यात आली आहे.
To be published, comments must be reviewed by the administrator.*
Our website uses cookies to improve your experience. Learn more
Download App