कोरोना रुग्णांची संख्या वाढत असल्याने रेमडेसिवीर इंजेक्श्नची गरज भासत आहे. मात्र, या इंजेक्शनचा तुटवडा भासू लागल्यामुळे त्याचा काळाबाजारही होत आहे. यामुळे रेमडेसिवीर इंजेक्शन खरेदी करताना हे सहा पी लक्षात ठेवा असे आवाहन हैद्राबादचे पोलीस आयुक्त अंजनी कुमार यांनी केले आहे.Remember these six P’s when buying on RedDesive, the appeal of the Commissioner of Police of Hyderabad
विशेष प्रतिनिधी
हैद्राबाद : कोरोना रुग्णांची संख्या वाढत असल्याने रेमडेसिवीर इंजेक्श्नची गरज भासत आहे. मात्र, या इंजेक्शनचा तुटवडा भासू लागल्यामुळे त्याचा काळाबाजारही होत आहे. यामुळे रेमडेसिवीर इंजेक्शन खरेदी करताना हे सहा पी लक्षात ठेवा असे आवाहन हैद्राबादचे पोलीस आयुक्त अंजनी कुमार यांनी केले आहे.
हैद्राबादमध्ये बनावट रेमडेसिवीर विकणाऱ्या चाळीस जणांना आत्तापर्यंत पकडण्यात आले आहे. या पार्श्वभूमीवर अंजनी कुमार यांनी म्हटले आहे की प्लेस (ठिकाण), प्रिस्क्रिप्शन (डॉक्टरांची चिठ्ठी) , प्रॉमीसेस (वचन),प्राईस (किंमत), प्रायव्हसी (खासगीपणा) आणि प्रॉडक्ट (उत्पादन) या सहा पींना लक्षात ठेवण्यास सांगितले आहे.
त्यांनी म्हटले आहे की प्लेस म्हणजे ठिकाण महत्वाचे आहे. कोणत्याही अज्ञात वेबसाईटवरून किंवा अनोळखी व्यक्तीकडून इंजेक्शन खरेदी करू नका. प्रिस्क्रिप्शन म्हणजे डॉक्टरांच्या सल्याशिवाय खरेदी करू नका.
प्रॉमीस म्हणजे कोणत्याही अनाठायी दाव्याला भुलू नका आणि या इंजेक्शनचा उपयोग आत्तापर्यंत सिध्द झालेला नाही. प्राईस म्हणजे किंमत. एमआरपीनुसारच इंजेक्शन खरेदी करा. जास्त पैसे मागितल्यास तातडीने पोलीसांना कळवा.
प्रायव्हसी म्हणजे इंजेक्शन खरेदी करताना तुमचे ओळखपत्र किंवा तुमच्या सोशल मीडियाचा पासवर्ड देऊ नका. सर्वात शेवटचे म्हरजे प्रॉडक्ट म्हणजे उत्पादन. वापरात असलेले इंजेक्शनच खरेदी करा.
हैद्राबाद पोलीसांनी बनावट रेमडेसिवीर विकल्याप्रकरणी आत्तापर्यंत अनेकांना पकडले आहे. त्यामध्ये मेडीकल रिप्रेझेंटेटिव्ह आणि मेडीकल दुकान मालकांचा समावेश आहे.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more