पंजाब मुख्यमंत्रिपदाची शर्यत : अंबिका सोनींनी ऑफर नाकारली, नवज्योत सिद्धूंचा दावा; सुनील जाखडही शर्यतीत, काँग्रेस विधिमंडळ पक्षाची बैठक पुढे ढकलली

By, Vishal Joshi - September 19, 2021 11:40:01

0

कॅप्टन अमरिंदर सिंग यांच्या राजीनाम्यानंतर पंजाबचे नवे मुख्यमंत्री कोण असतील? याबाबत काँग्रेसचे मंथन सुरू आहे. आतापर्यंत मिळालेल्या माहितीनुसार, नवा चेहरा म्हणून अंबिका सोनी यांचे नाव आघाडीवर होते. अंबिका सोनी पंजाबमधून राज्यसभेच्या खासदार आहेत. मात्र, आता बातमी येत आहे की त्यांनी ही ऑफर नाकारली आहे. त्याचवेळी सूत्रांनी दिलेल्या माहितीनुसार, नवज्योत सिद्धू यांनीही मुख्यमंत्रिपदावर दावा केला आहे. ज्यामुळे गुंता वाढला आहे. त्याशिवाय माजी प्रदेशाध्यक्ष सुनील जाखड हेदेखील शर्यतीत आहेत. Punjab CM Race Ambika soni Rejected Offer to new punjab cm Now navjot singh sidhu and Sunil Jakhad In Race

विशेष प्रतिनिधी

चंदिगड : कॅप्टन अमरिंदर सिंग यांच्या राजीनाम्यानंतर पंजाबचे नवे मुख्यमंत्री कोण असतील? याबाबत काँग्रेसचे मंथन सुरू आहे. आतापर्यंत मिळालेल्या माहितीनुसार, नवा चेहरा म्हणून अंबिका सोनी यांचे नाव आघाडीवर होते. अंबिका सोनी पंजाबमधून राज्यसभेच्या खासदार आहेत. मात्र, आता बातमी येत आहे की त्यांनी ही ऑफर नाकारली आहे. त्याचवेळी सूत्रांनी दिलेल्या माहितीनुसार, नवज्योत सिद्धू यांनीही मुख्यमंत्रिपदावर दावा केला आहे. ज्यामुळे गुंता वाढला आहे. त्याशिवाय माजी प्रदेशाध्यक्ष सुनील जाखड हेदेखील शर्यतीत आहेत.

यानंतर सिद्धू आणि जाखड यांच्या बाजूने आमदारांची जमवाजमव सुरू झाली आहे. काही नेते जाखडांच्या घरी पोहोचले आहेत, तर काही आमदारांनी सिद्धूंचे निकटवर्तीय सुखजिंदर रंधावा यांच्या घरी भेटायला सुरुवात केली आहे.

त्याचबरोबर जर जाखडांच्या नावावर शिक्कामोर्तब झाले तर 55 वर्षानंतर पंजाबला पहिला हिंदू मुख्यमंत्री मिळेल. दरम्यान, मोठी बातमी अशी आहे की, पंजाब काँग्रेस विधिमंडळ पक्षाची सकाळी 11 वाजता होणारी बैठक पुढे ढकलण्यात आली आहे. आता काँग्रेस हायकमांड त्याची थेट घोषणा करेल.

PUNJAB CM RESIGN : कॅप्टन अमरिंदर सिंग एक देशभक्त ! करणार भाजपमध्ये प्रवेश …? देशासाठी केला राहूल गांधीना देखील विरोध

यापूर्वी हा निर्णय शनिवारी रात्रीच विधिमंडळ पक्षाच्या बैठकीत घेण्यात येणार होता. म्हणूनच सोनिया गांधींना नवीन चेहरा निवडण्याचा अधिकार देऊन हा प्रस्ताव लगेचच ई-मेलद्वारे पाठवण्यात आला. त्यानंतर काँग्रेसचे माजी प्रमुख सुनील जाखड हे मुख्यमंत्री होण्यासाठी जवळपास निश्चित मानले जात होते. मात्र, अचानक पंजाब शीख राज्य असल्याने शीख चेहऱ्याची मागणीही निर्माण झाली आहे, त्यानंतर काँग्रेस हिंदू की शीख चेहरा निवडावा, या द्विधा स्थितीत अडकली आहे.

दोन उपमुख्यमंत्री?

शीख आणि हिंदू चेहऱ्यांच्या वर्तुळात अडकलेल्या काँग्रेसमध्ये आता एक मुख्यमंत्री आणि दोन उपमुख्यमंत्र्यांच्या फॉर्म्युल्याचा विचार केला जात आहे. जर एखाद्या हिंदू चेहऱ्याला मुख्यमंत्री केले गेले, तर जाट शीख आणि दलित यांना उपमुख्यमंत्री बनवता येईल. जर एखाद्या शीख चेहऱ्याला मुख्यमंत्री केले, तर हिंदू आणि दलित नेत्याला उपमुख्यमंत्री बनवता येईल. या सूत्राद्वारे काँग्रेस विरोधकांना विशेषत: अकाली दलाचया एक हिंदू आणि एका दलिताला उपमुख्यमंत्री बनवण्याच्या आश्वासनावरही तोडगा काढता येईल. मात्र, अंतिम मोहोर फक्त विधिमंडळ पक्षाच्या बैठकीत लागेल.

पक्षश्रेष्ठी जाखड यांच्यावर विश्वास, आमदार सिद्धू यांच्या बाजूने

काँग्रेस पक्षश्रेष्ठी सुनील जाखड यांना मुख्यमंत्री बनवण्याच्या बाजूने आहे. त्याचा संदेश त्यांना पाठवण्यात आला आहे. त्यानंतर जाखड यांनी राहुल गांधींचे गुणगान गात ट्विटही केले आहे. दिल्लीहून निरीक्षकांनाही हेच सांगत पाठवण्यात आले. मात्र, सीएलपीच्या बैठकीनंतर सुखजिंदर रंधावा आणि नवज्योत सिद्धू यांची नावेही शीख चेहरे म्हणून समोर आली. सिद्धू यांच्या नावावर बहुतांश आमदार सहमत असल्याचे दिसून आले, त्यानंतर शनिवारी रात्री उशिरा नावाची घोषणा पुढे ढकलण्यात आली.

हिंदू की शीख? या राजकीय गणितात काँग्रेसचा गोंधळ

सिद्धू यांना प्रदेशाध्यक्ष बनवल्यानंतर पंजाबमधील काँग्रेसचे हिंदू-शीख समीकरण बिघडले होते. मुख्यमंत्री आणि पक्षप्रमुख यांच्या खुर्चीवर दोन्ही जाट शीख चेहरे बसले होते. हे पाहता, हेच समीकरण पुन्हा बरोबर करण्यासाठी मंथन सुरू आहे. म्हणूनच काँग्रेस हायकमांडला पंजाबमध्ये हिंदू मुख्यमंत्री बनवायचे आहे, परंतु आमदार त्याला सहमत नाहीत.

विरोधकांकडून हिंदू उपमुख्यमंत्र्याचे आश्वासन

कॉंग्रेसच्या या राजकीय उलथापालथीच्या दरम्यान, विरोधी अकाली दलाने हिंदू उपमुख्यमंत्री देणार असल्याचे आश्वासन दिले आहे. यावर काँग्रेसला तोडगा काढणे महत्त्वाचे वाटते. जर काँग्रेसने हिंदूंना मुख्यमंत्री बनवले तर निवडणुकीत हिंदू व्होट बँक मिळवणे सोपे होईल. ही व्होट बँक निवडणुकांमध्ये काँग्रेसची मोठी ताकद राहिली आहे. विशेषत: अशा वेळी जेव्हा अकाली दलाने भाजपशी संबंध तोडले आहेत. यामुळे आता मुख्यमंत्रिपदावर जाखड की सिद्धू हा निर्णय काँग्रेसला घ्यावा लागेल.