Manipur violence : महिलांवर अत्याचार करून रस्त्यावर निर्वस्त्र पळवणाऱ्या मुख्य आरोपीला अटक


माणुसकीला लाजवणाऱ्या या घटनेच्या व्हिडिओने संपूर्ण देशात खळबळ उडाली आहे.

विशेष प्रतिनिधी

इंफाळ : ईशान्येकडील मणिपूर राज्यात महिलांवर अत्याचार करून त्यांना नग्न अवस्थेत रस्त्यावर फिरायला लावल्याप्रकरणी पोलिसांनी मुख्य आरोपीला अटक केली आहे. खुयरूम हेरदार असे आरोपीचे नाव आहे.  Manipur violence Arrested the main accused who tortured women and left them naked on the streets

प्राप्त माहितीनुसार, पोलिसांनी आज (गुरुवार) सकाळी थॉउबल येथून आरोपीला अटक केली. सोशल मीडियावर व्हायरल होत असलेल्या घटनेच्या व्हिडिओवरून पोलिसांनी ३२ वर्षीय हेरदासची ओळख पटवली आहे. या व्हिडिओमध्ये आरोपी हिरव्या रंगाचा टी-शर्ट घातलेला दिसत आहे. मणिपूर पोलिसांचे म्हणणे आहे की, हेरादास हा या प्रकरणातील मुख्य आरोपी आहे.

या घटनेचा व्हिडिओ काल म्हणजेच बुधवारपासून सोशल मीडियावर व्हायरल होत आहे. मात्र, केंद्र सरकारच्या हस्तक्षेपानंतर हा व्हिडिओ आता हटवण्यात आला आहे. माणुसकीला लाजवणाऱ्या या व्हिडिओने संपूर्ण देशात खळबळ उडाली आहे. ४ मे रोजी घडलेल्या या घटनेमुळे लोकांचा संताप पोलिस-प्रशासनावर उमटत आहे. हा व्हिडीओ एवढा जुना असूनही पोलिसांनी या प्रकरणी आतापर्यंत कोणतीही कारवाई का केली नाही, याबाबत नागरिकांमध्ये खळबळ उडाली आहे. मात्र, आता गांभीर्य दाखवत पोलिसांनी आरोपीला अटक केली आहे.

 Manipur violence Arrested the main accused who tortured women and left them naked on the streets

महत्वाच्या बातम्या 

LEAVE A COMMENT

To be published, comments must be reviewed by the administrator.*