मणिपूरमध्ये वृद्धांच्या हत्येमुळे पुन्हा उसळला हिंसाचार; जिरीबाममधील 200 मैतेईंनी घरे सोडली

By, Pravin Wankhade - June 9, 2024 11:02:43

0

वृत्तसंस्था

इंफाळ : मणिपूरच्या जिरीबाम जिल्ह्यात गुरुवारी संध्याकाळी मैतेई वृद्धाच्या हत्येच्या निषेधार्थ हिंसाचार झाला. 59 वर्षीय सोइबाम सरतकुमार सिंग असे मृताचे नाव आहे. गुरुवारी सकाळी तो आपल्या शेताकडे निघाला होता, नंतर त्याचा मृतदेह आढळून आला, ज्यावर धारदार शस्त्राने जखमा केलेल्या होत्या. Elderly killing sparks violence in Manipur; 200 Maitei in Jiribam left their homes

या घटनेनंतर संतप्त ग्रामस्थांनी जिरीबाम पोलिस ठाण्यासमोर निदर्शने करत निवडणुकीपूर्वी त्यांच्याकडून घेतलेली परवानाधारक शस्त्रे त्यांना परत करावीत, अशी मागणी केली. जिल्ह्यात संचारबंदी लागू करण्यात आली आहे. मणिपूर पोलिसांनी इंफाळमध्ये उपस्थित असलेल्या राज्य पोलिस कमांडो अधिकाऱ्यांना शनिवारी जिरीबामला पोहोचण्याचे निर्देश दिले आहेत.

मणिपूरच्या पश्चिम इंफाळमध्ये गोळीबार; 12 जणांनी केली शूटिंग, मोर्टार डागले

हिंसाचारामुळे 200 हून अधिक मैतेई लोकांना त्यांच्या घरातून बाहेर काढण्यात आले आहे आणि त्यांना सुरक्षित ठिकाणी पाठवण्यात आले आहे. जिरी क्रीडा संकुलात आता अनेक गावकरी राहत आहेत. अहवालानुसार, जिरी स्पोर्ट्स कॉम्प्लेक्समध्ये राहणाऱ्या लोकांची गावातील घरे अतिरेक्यांनी जाळली. मैतेई समाजातील वृद्धाची हत्या आणि लोकांच्या घरांना आग लावण्यामागे कुकी अतिरेक्यांचे नाव पुढे येत आहे.

मणिपूर हिंसाचाराचा मास्टरमाइंड 6 जूनला पकडला गेला

NIA ने म्हटले आहे की, मणिपूर हिंसाचाराचा मुख्य सूत्रधार, थोंग्मिन्थांग हाओकिप ऊर्फ थांग्बोई हाओकिप उर्फ रोजर (KNF-MC) याला 6 जून रोजी इंफाळ विमानतळावरून पकडण्यात आले. NIA ने गेल्या वर्षी 18 जुलै रोजी त्याच्याविरुद्ध भारतीय दंड संहिता आणि UAPA अंतर्गत गुन्हा दाखल केला होता.

कुकी आणि झोमी या अतिरेकी संघटनांनी म्यानमार आणि ईशान्य भारतात कार्यरत असलेल्या इतर दहशतवादी संघटनांच्या संगनमताने, प्रदेशातील सध्याच्या अशांततेचा फायदा घेण्याच्या आणि भारत सरकारविरुद्ध युद्ध पुकारण्याच्या उद्देशाने हा कट रचला.

राज्यात अनेक ठिकाणी सुरक्षा दलांवर झालेल्या हल्ल्यांमध्ये हाओकीपने विशेष भूमिका बजावली आहे. तो म्यानमारच्या कुकी नॅशनल फ्रंट (KNF)-B या दहशतवादी संघटनेच्या संपर्कात होता. दुसरीकडे, मणिपूरमध्ये 13 महिन्यांपासून सुरू असलेल्या हिंसाचाराचा कथित सूत्रधार एनआयएने उघड केला आहे.