कुवेतमधून 45 भारतीयांचे मृतदेह कोचीला आणले; केरळचे CM विजयन यांनी विमानतळावर वाहिली श्रद्धांजली|Dead bodies of 45 Indians brought to Kochi from Kuwait; Kerala CM Vijayan paid tributes at the airport

कुवेतमधून 45 भारतीयांचे मृतदेह कोचीला आणले; केरळचे CM विजयन यांनी विमानतळावर वाहिली श्रद्धांजली

वृत्तसंस्था

कोची : कुवेतमधील मंगाफ येथे बुधवारी (१२ जून) लागलेल्या भीषण आगीत मृत्युमुखी पडलेल्या ४५ भारतीयांचे मृतदेह घेऊन भारतीय हवाई दलाचे एक विशेष विमान भारतात पोहोचले आहे. ते केरळमधील कोची विमानतळावर उतरले, कारण मृतांची सर्वाधिक संख्या, 23 केरळमधील होती. त्यानंतर हे विमान दिल्लीला जाईल.Dead bodies of 45 Indians brought to Kochi from Kuwait; Kerala CM Vijayan paid tributes at the airport

मृत्युमुखी पडलेल्या इतर 22 जणांमध्ये तामिळनाडूमधील 7, आंध्र प्रदेश-उत्तर प्रदेशमधील प्रत्येकी 3 आणि बिहार, ओडिशा, कर्नाटक, महाराष्ट्र, झारखंड, हरियाणा, पंजाब आणि पश्चिम बंगालमधील प्रत्येकी 1 जणांचा समावेश आहे. 1 मृत व्यक्ती कोणत्या राज्यातील आहे हे समोर आलेले नाही.

45 भारतीयांचे मृतदेह कुवेतहून कोची मार्गे हवाई दलाच्या विमानाने भारतात आणण्यात आले

#WATCH | Ernakulam: Union Minister Suresh Gopi and other leaders pay homage to the mortal remains of the victims of the fire incident in Kuwait, at Cochin International Airport. pic.twitter.com/exa7JpAA9L

— ANI (@ANI) June 14, 2024

या अपघातानंतर भारताचे परराष्ट्र राज्यमंत्री कीर्तीवर्धन सिंह कुवेतला गेले होते. त्यांनी पाच रुग्णालयांना भेट दिली जिथे जखमी भारतीयांवर उपचार केले जात होते. ज्या विमानाने मृतदेह आणले होते त्याच विमानाने कीर्तिवर्धन सिंह आज परतले आहेत.

12 जून रोजी कुवेतमधील मंगाफ शहरातील एका इमारतीला लागलेल्या आगीत 49 लोकांचा मृत्यू झाला होता, तर 50 हून अधिक लोक जखमी झाले होते. यातील ४८ मृतदेहांची डीएनए चाचणीद्वारे ओळख पटली असून, त्यापैकी ४५ भारतीय, तर ३ फिलिपाइन्सचे असल्याचे निष्पन्न झाले आहे.

कुवेतहून मृतदेह घेऊन भारतात परतलेले परराष्ट्र राज्यमंत्री कीर्ती वर्धन म्हणाले, “या दुर्घटनेत ज्यांच्या प्रियजनांना जीव गमवावा लागला आहे त्यांच्यासोबत माझ्या संवेदना आहेत. या प्रकरणाची माहिती मिळताच पंतप्रधान मोदींनी एक उच्चस्तरीय बैठक घेतली.

त्यांनी आम्हाला तात्काळ कुवेतला जाऊन भारतीयांवर उपचार आणि मृतदेह देशात परत आणण्याच्या तयारीची पाहणी करण्यास सांगितले. संपूर्ण प्रक्रियेदरम्यान कुवेती अधिकाऱ्यांनी आम्हाला सहकार्य केले.

कोची विमानतळावर पोहोचलेल्या केरळच्या आरोग्य मंत्री वीणा जॉर्ज यांनी सांगितले की, विमान थोड्याच वेळात पोहोचणार आहे. मुख्यमंत्रीही येथे पोहोचत आहेत. श्रद्धांजली अर्पण करण्यासाठी मृतदेह काही काळ येथे ठेवण्यात येणार आहेत. सर्व काही कमीत कमी वेळेत केले जाईल.