S Jaishankar : ‘बांग्लादेशात अल्पसंख्याकांना लक्ष्य केले जात आहे’, एस जयशंकर यांचं राज्यसभेत विधान!

By, Pravin Wankhade - August 6, 2024 06:00:22

0

एका अंदाजानुसार 19 हजार भारतीय नागरिक बांग्लादेशात राहतात, त्यापैकी सुमारे नऊ हजार विद्यार्थी आहेत.

विशेष प्रतिनिधी

दिल्ली : बांगलादेशात अजूनही हिंसाचाराचे सत्र सुरूच आहे. शेख हसीना यांनी पंतप्रधानपदाचा राजीनामा देऊन देश सोडल्यानंतरही आंदोलक रस्त्यावरच आहेत. शेजारी देशात सुरू असलेल्या हिंसाचाराबद्दल भारत सातत्याने चिंता व्यक्त करत आहे. आता मंगळवारी परराष्ट्र मंत्री एस जयशंकर यांनी राज्यसभेत बांगलादेश हिंसाचाराची माहिती दिली. ते म्हणाले की, अल्पसंख्याकांना लक्ष्य केले जात आहे.

परराष्ट्रमंत्र्यांनी सांगितले की, बांगलादेशात जुलैपासून हिंसाचार सुरू आहे. सर्वोच्च न्यायालयाच्या निर्णयानंतरही तेथे हिंसाचार सुरूच आहे. भारत सरकार बांगलादेशी अधिकाऱ्यांच्या संपर्कात आहे. तिथे पोलिसांवरही हल्ले होत आहेत. शेख हसीना यांना भारतात येऊ देण्याची त्यांनी विनंती केली होती. ते पुढे म्हणाले की, शेजारील देशात अल्पसंख्याकांना लक्ष्य केले जात आहे.

शेख हसीनांनी लोकशाही दडपली म्हणणाऱ्या जमाते इस्लामीच्या गुंडांचे बांगलादेशात 27 जिल्ह्यांत हिंदूंवर हल्ले; iskcon मंदिर जाळले!!

बांगलादेशातील परिस्थितीवर परराष्ट्र मंत्री डॉ. एस. जयशंकर म्हणाले, ‘५ ऑगस्ट रोजी कर्फ्यू असूनही ढाका येथे निदर्शक एकत्र आले. सुरक्षा आस्थापनांच्या नेत्यांसोबत झालेल्या बैठकीनंतर पंतप्रधान शेख हसीना यांनी राजीनामा देण्याचा निर्णय घेतला. काही वेळातच त्यांनी भारतात येण्यासाठी मंजुरीची विनंती केली. तसेच आम्हाला बांगलादेश अधिकाऱ्यांकडून फ्लाइट क्लिअरन्ससाठी विनंती प्राप्त झाली. काल संध्याकाळी त्या दिल्लीत पोहोचल्या.

त्या पुढे म्हणाल्या, ‘आम्ही आमच्या राजनैतिक मिशनद्वारे बांगलादेशातील भारतीय समुदायाशी सतत संपर्कात आहोत. एका अंदाजानुसार 19 हजार भारतीय नागरिक तेथे राहतात, त्यापैकी सुमारे नऊ हजार विद्यार्थी आहेत. जुलैमध्ये मोठ्या संख्येने विद्यार्थी परतले होते. आम्ही अल्पसंख्याकांच्या परिस्थितीवर लक्ष ठेवून आहोत.