West Bengal : पश्चिम बंगालमध्ये विधानसभेत पहिल्यांदाच भाजप आणि तृणमूलचे झाले एकमत

By, Pravin Pawar - August 5, 2024 09:00:33

0

जाणून घ्या, नेमक्या कोणत्या मुद्य्यावर या दोन्ही विरोधी पक्षांचं एकमत झालं आहे?

विशेष प्रतिनिधी

कोलकाता : पश्चिम बंगाल ( West Bengal ) विधानसभेत सोमवारी एक धक्कादायक दृश्य पाहायला मिळाले. प्रत्यक्षात सत्ताधारी पक्ष तृणमूल काँग्रेस आणि विरोधी पक्ष भाजप यांच्यात कोणत्याही मुद्द्यावर पहिल्यांदाच एकमत झाल्याचे दिसून आले. तृणमूल काँग्रेसने बंगालच्या विभाजनाविरोधात विधानसभेत ठराव मांडला होता. याबाबत दोन्ही पक्ष एकत्र आले आणि एकमताने हा प्रस्ताव मंजूर करण्यात आला.

उल्लेखनीय आहे की, काही दिवसांपूर्वी बंगाल भाजपचे अध्यक्ष सुकांत मजुमदार यांनी बंगालच्या विभाजनाची मागणी लावून धरत खळबळ उडवून दिली होती. याबाबत तृणमूल काँग्रेसच्या अनेक नेत्यांनी नाराजी व्यक्त केली होती. खुद्द भाजपचे नेतेही मजुमदारांच्या या मागणीवर एकमत नव्हते. त्याचा परिणाम सोमवारी विधानसभेतही दिसून आला आणि या मुद्द्यावर टीएमसी-भाजप एकत्र आले.

विद्यार्थी आंदोलनाच्या नावाखाली जमाते इस्लामी + अन्य दहशतवादी संघटनांचे बांगलादेशात थैमान; शेख हसीनांची राजवट उधळली!!

या प्रस्तावावर बोलताना पश्चिम बंगालच्या मुख्यमंत्री ममता बॅनर्जी म्हणाल्या, “आमचा सहकारी संघराज्यावर विश्वास आहे. आम्ही राज्याचे विभाजन करण्याच्या प्रयत्नांच्या विरोधात आहोत.”

राज्याच्या विभाजनाच्या कल्पनेच्या विरोधात असल्याचे भाजपने विधानसभेत सांगितले. मात्र, बंगालच्या उत्तरेकडील भागांचा विकास आपल्याला हवा असल्याचेही स्पष्ट केले. शुभेंदू अधिकारी यांनी सभागृहात मांडलेल्या ठरावात एक ओळ जोडण्याचे आवाहन केले – “आम्हाला अखंड पश्चिम बंगालचा संपूर्ण विकास हवा आहे. पश्चिम बंगालचे विभाजन करण्याच्या कोणत्याही प्रयत्नांना आमचा विरोध आहे.” त्यांचा हा प्रस्ताव मुख्यमंत्री ममता बॅनर्जी यांनी स्वीकारला आणि हा प्रस्ताव सभागृहात एकमताने मंजूर करण्यात आला.

यापूर्वी, पश्चिम बंगाल विधानसभेने राज्याचे विभाजन करण्याच्या प्रयत्नांविरोधात गेल्या वर्षी फेब्रुवारीमध्ये आवाजी मतदानाने असाच ठराव मंजूर केला होता.