उद्धव ठाकरेंचे आव्हान धुडकावले; एकनाथ शिंदेंनी "शिवसेना बाळासाहेब ठाकरे" नावच वापरले!!; नेमका अर्थ काय?? SBT : eknath shinde names his party Shivsena balasaheb Thackeray

SBT : उद्धव ठाकरेंचे आव्हान धुडकावले; एकनाथ शिंदेंनी “शिवसेना बाळासाहेब ठाकरे” नावच वापरले!!; नेमका अर्थ काय??

नाशिक : शिवसेनेच्या एकनाथ शिंदे गटाला शिवसेना पक्ष प्रमुख उद्धव ठाकरे यांनी जे ठाकरे आणि शिवसेना नाव वगळून जगून दाखवा, असे आव्हान दिले होते ते आव्हान एकनाथ शिंदे यांनी धुडकावले असून आपल्या गटाचे नाव “शिवसेना बाळासाहेब ठाकरे” असेच ठेवले आहे. एकनाथ शिंदे यांनी आपल्या गटाच्या नावातून ना शिवसेना वगळली, ना बाळासाहेब ठाकरे!!… याचाच अर्थ एकनाथ शिंदे यांनी गेल्या 5 दिवसांपासून आपल्या भूमिकेत सातत्य ठेवले आहे!! SBT : eknath shinde names his party Shivsena balasaheb Thackeray

गेल्या 5 दिवसांपासून उद्धव ठाकरे यांच्या शिवसेनेने मात्र भूमिका सातत्याने बदलली आहे. उद्धव ठाकरे यांनी सुरुवातीला नरमाईची भूमिका घेऊन राजीनाम्याची तयारी केली आणि दाखवली. शरद पवारांनी त्यांना मुख्यमंत्री पद सोडण्यापासून रोखले. नंतर त्यांनी फक्त “वर्षा” बंगला सोडून दिला आणि नंतर बंडखोरांनी विरुद्ध आक्रमक भूमिका घेतली. बंडखोर आमदारांना त्यांनी शिवसेना आणि बाळासाहेब ठाकरे ही नावे वगळून जगून दाखवा, असे आव्हान दिले.

एकनाथ शिंदे बंड : 16 आमदारांना अपात्र ठरवण्याचा झिरवाळांना अधिकारच उरला नाही; कायदेशीर तरतुदी काय??… वाचा!!

या पार्श्वभूमीवर गुवाहाटीत झालेल्या बैठकीत एकनाथ शिंदे यांनी आपल्या आमदार गटाचे नाव “शिवसेना बाळासाहेब ठाकरे” असे ठेवले आहे. एकनाथ शिंदे यांनी बंड करताना पहिल्या दिवशी ची भूमिका घेतली होती तीच कायम ठेवून आपण शिवसेना सोडली नाही आणि बाळासाहेब ठाकरे यांचे हिंदुत्व सोडलेले नाही हेच यातून त्यांनी सिद्ध केले आहे.!!

त्याच बरोबर शिवसेना पक्ष प्रमुख उद्धव ठाकरे यांनी महाविकास आघाडीतून बाहेर पडून भाजप समवेत येऊन सत्ता स्थापन करावी असे आवाहन एकनाथ शिंदे यांनी 5 दिवसांपूर्वी केले होते केले होते, त्या भूमिकेपासूनही एकनाथ शिंदे दूर गेलेले दिसत नाहीत.