Sakinaka Rape Case : साकीनाका बलात्कार प्रकरणात ॲट्राॅसिटीचे कलम, आरोपी 21 सप्टेंबरपर्यंत पोलीस कोठडीत

सोमवारी साकीनाका बलात्कार प्रकरणावर पत्रकार परिषद घेताना मुंबई पोलीस आयुक्तांनी या प्रकरणातील नवीन घडामोडींची माहिती दिली. नगराळे म्हणाले की, पीडित महिला एका विशिष्ट समाजातील असल्याने आम्ही SC/ST कलम जोडले आहे. Sakinaka Rape Case filed under SC ST act, says Mumbai CP Hemant Nagrale


वृत्तसंस्था

मुंबई : मुंबईच्या साकीनाक्यातील बलात्काराच्या घटनेनंतर मुख्यमंत्री उद्धव ठाकरे यांनी शनिवारी मुंबई पोलिस अधिकाऱ्यांना काही महत्त्वाच्या सूचना दिल्या होत्या. आता मुंबईचे पोलीस आयुक्त हेमंत नगराळे यांनी म्हटले आहे की, या प्रकरणातील आरोपींना पोलीस कोठडीत घेण्यात आले आहे. तसेच ॲट्राॅसिटीचे कलमही जोडण्यात आले आहे.

सोमवारी साकीनाका बलात्कार प्रकरणावर पत्रकार परिषद घेताना मुंबई पोलीस आयुक्तांनी या प्रकरणातील नवीन घडामोडींची माहिती दिली. नगराळे म्हणाले की, पीडित महिला एका विशिष्ट समाजातील असल्याने आम्ही SC/ST कलम जोडले आहे.



आरोपी मोहनला अटक करण्यात आली. त्याची पोलीस कोठडीही 21 तारखेपर्यंत मिळाली आहे. आरोपीने आपला गुन्हा कबूल केला आहे. यासोबतच गुन्हा करण्यासाठी वापरण्यात आलेले शस्त्रही जप्त करण्यात आले आहे.

पोलीस आयुक्त हेमंत नगराळे म्हणाले की, गुन्ह्याच्या ठिकाणी भेट देऊन सर्व डिजिटल पुरावे गोळा करण्यात आले आहेत. आता डीएनए अहवालाची प्रतीक्षा आहे. त्याचबरोबर सरकारने खटला लढण्यासाठी फौजदारी वकील राजा ठाकरे यांची नियुक्ती केली आहे. 1 महिन्यापूर्वी आम्ही आरोपपत्र दाखल करू. त्याचबरोबर शासकीय योजनेअंतर्गत पीडित कुटुंबातील 3 मुलींना 20 लाख रुपयांची मदतही दिली जाईल.

महिलांच्या सुरक्षेबाबत मुख्यमंत्री ठाकरेंच्या पोलिसांना सूचना

दुसरीकडे, मुख्यमंत्री ठाकरे यांनी शनिवारी पोलिसांना निर्देश दिले की, ज्या ठिकाणी महिलांची सक्रियता आहे तेथे पोलिसांची गस्त वाढवा. जिथे महिलांवर हल्ला होण्याची शक्यता आहे आणि जिथे त्यांना संरक्षणाची गरज आहे, तिथे पोलीस दलाची तैनाती वाढवली पाहिजे.

Sakinaka Rape Case filed under SC ST act, says Mumbai CP Hemant Nagrale

महत्त्वाच्या बातम्या