क्रीडाविश्वातील दोन सेलिब्रिटींवर दिल्लीत गुन्हा दाखल

By, Sachin Deshmukh - March 17, 2022 02:30:33

0

विशेष प्रतिनिधी

नवी दिल्ली : कोर्टाच्या आदेशानंतर पोलिसांनी माजी रशियन टेनिसपटू मारिया शारापोव्हा आणि माजी फॉर्म्युला वन चॅम्पियन रेसर मायकेल शूमाकर आणि अन्य ११ जणांवर फसवणूक आणि गुन्हेगारी कट रचल्याच्या आरोपाखाली गुन्हा दाखल केला आहे. Case filed against two celebrities in sports world in Delhi

दिल्लीतील एका महिलेच्या तक्रारीवरून एफआयआर दाखल करण्यात आला आहे. महिलेच्या म्हणण्यानुसार हे सर्वजण फसवणूक करणारे आहेत.नवी दिल्लीतील छतरपूर मिनी फार्ममध्ये राहणाऱ्या शेफाली अग्रवाल यांच्या म्हणण्यानुसार, त्यांनी शारापोवा नावाच्या प्रोजेक्टमध्ये अपार्टमेंट बुक केले होते. या प्रकल्पात शूमाकर नावाचा एक टॉवरही आहे. हा प्रकल्प २०१६ मध्ये पूर्ण व्हायचा होता, परंतु तक्रारदाराच्या म्हणण्यानुसार तो अद्याप सुरू झालेला नाही.

विविध क्रीडाप्रबोधिनींमध्ये प्रशिक्षणासाठी खेळाडूंना निवासी, अनिवासी प्रवेश

क्रीडाविश्वातील हे दोन्ही सेलिब्रिटी या प्रकल्पाशी निगडीत होते आणि त्याचा प्रचारही करत होते, असे त्यांचे म्हणणे आहे. त्यामुळे त्यात फसवणुकीचाही समावेश आहे. यापूर्वी शेफाली यांनी रियलटेक डेव्हलपमेंट अँड इन्फ्रास्ट्रक्चर (इंडिया) प्रायव्हेट लिमिटेड, आणखी एक विकासक, शारापोव्हा आणि शुमाकर यांच्या विरोधात ८० लाख रुपयांची फसवणूक केल्याबद्दल गुरुग्राम न्यायालयात तक्रार केली होती.

अग्रवाल यांनी कोर्टात सांगितले की तिने आणि पतीने गुरुग्रामच्या सेक्टर ७३ मध्ये शारापोव्हाच्या नावावर असलेल्या प्रकल्पात अपार्टमेंट बुक केले होते. या खेळाडूंच्या नावाचा वापर करून त्यांच्याकडून अशा प्रकल्पात पैसे उकळले गेले, जे कधीच झाले नव्हते.