Action against railway officials for joining Kaun Banega Crorepati, ban on pay hike for 3 years

KBC 13 : कौन बनेगा करोडपतीमध्ये सहभागी झाल्याने रेल्वे अधिकाऱ्यावर कारवाई, 3 वर्षांसाठी वेतनवाढीवर बंदी

Kaun Banega Crorepati :  कौन बनेगा करोडपतीमध्ये अमिताभ बच्चन यांच्या समोर हॉट सीटवर बसून रेल्वे अधिकारी देशबंधु पांडे खूप आनंदी होते, पण घरी परतल्यावर त्यांना पुढ्यात काय वाढून ठेवलेय याची कल्पनाही नव्हती. राजस्थानच्या कोटा रेल्वे विभागाच्या स्थानिक खरेदी विभागाचे कार्यालय अधीक्षक म्हणून तैनात असलेले देशबंधु पांडे यांना रेल्वे प्रशासनाने केवळ आरोपपत्रच सोपवले नाही, तर त्यांच्या वेतनवाढीवर 3 वर्षांची बंदीही घातली आहे. कोणतीही माहिती न देता कार्यालयातून बेपत्ता झाल्याचा आणि केबीसीमध्ये सहभागी झाल्याचा त्यांच्यावर आरोप आहे. Action against railway officials for joining Kaun Banega Crorepati, ban on pay hike for 3 years


वृत्तसंस्था

मुंबई : कौन बनेगा करोडपतीमध्ये अमिताभ बच्चन यांच्या समोर हॉट सीटवर बसून रेल्वे अधिकारी देशबंधु पांडे खूप आनंदी होते, पण घरी परतल्यावर त्यांना पुढ्यात काय वाढून ठेवलेय याची कल्पनाही नव्हती. राजस्थानच्या कोटा रेल्वे विभागाच्या स्थानिक खरेदी विभागाचे कार्यालय अधीक्षक म्हणून तैनात असलेले देशबंधु पांडे यांना रेल्वे प्रशासनाने केवळ आरोपपत्रच सोपवले नाही, तर त्यांच्या वेतनवाढीवर 3 वर्षांची बंदीही घातली आहे. कोणतीही माहिती न देता कार्यालयातून बेपत्ता झाल्याचा आणि केबीसीमध्ये सहभागी झाल्याचा त्यांच्यावर आरोप आहे.

‘टीओआय’च्या वृत्तानुसार, आरोपपत्रात लिहिले आहे की, तुम्ही रजा मंजूर केल्याशिवाय 9 ते 13 ऑगस्टपर्यंत बेपत्ता राहिलात, तुमची वृत्ती कामाकडे दुर्लक्ष दर्शवते. या प्रकरणात तुमच्यावर कारवाई केली पाहिजे. दरम्यान, देशबंधू यांनी केबीसीमध्ये 3 लाख 20 हजार रुपये जिंकले होते. मात्र, ते मुंबईहून परतताच रेल्वे प्रशासनाने त्यांना कठोर शिक्षा दिली असून त्यांना आरोपपत्रही सोपवण्यात आले आहे. त्यांची पगारवाढही 3 वर्षांसाठी थांबवण्यात आली आहे. पांडेंचा हा भाग 26 आणि 27 ऑगस्ट रोजी प्रसारित झाला होता. त्यांनी एकूण 10 प्रश्नांची अचूक उत्तरे दिली.

रेल्वे प्रशासनाने कडक कारवाई केल्यापासून देशबंधू यांनी कोणालाही प्रतिक्रिया दिलेली नाही. देशबंधू लग्नाच्या 25 व्या वाढदिवसानिमित्त केबीसीला पोहोचले होते. कर्मचारी संघटनांनी रेल्वे प्रशासनाच्या वतीने अशा कारवाईला विरोध केला आहे. पश्चिम मध्य रेल्वे मजदूर संघाचे विभागीय सचिव खालिद यांनी म्हटले आहे की, रेल्वे प्रशासनाने पांडे यांना चांगली वागणूक दिली नाही, त्यांच्याविरोधात खटला लढला जाईल.

ते म्हणाले की, हे आरोपपत्र 9 ऑगस्ट रोजी तयार करण्यात आले आहे, तर आरोपपत्र 13 ऑगस्टपर्यंत आधीच नमूद करण्यात आले आहे. 13 ऑगस्टपर्यंत कर्मचारी येणार नाही हे जेव्हा अधिकाऱ्यांना माहीत असेल तेव्हाच हे शक्य आहे. याचा अर्थ पांडे यांनी 13 ऑगस्टपर्यंत रजा मागितली होती, जी त्यांना देण्यात आली नव्हती. ते पुढे म्हणाले की, देशबंधू पांडे चार्जशीटमुळे इतके घाबरले आहेत की ते रेल्वे प्रशासनाच्या विरोधात काहीही बोलायला तयार नाहीत. पांडे यांना 18 ऑगस्ट रोजी मुंबईहून परतल्यावर आरोपपत्र सोपवण्यात आले आणि त्यांच्याकडून उत्तरही मागवण्यात आले आहे.

Action against railway officials for joining Kaun Banega Crorepati, ban on pay hike for 3 years

महत्त्वाच्या बातम्या