Rupali Chakankar Resigns as NCP Women's State President Amid Kharat Scandal रूपाली चाकणकरांचा अखेर राष्ट्रवादी महिला प्रदेशाध्यक्षपदाचा राजीनामा:खरात प्रकरणामुळे असंतोष भोवला, उपमुख्यमंत्र्यांशी चर्चा करून निर्णय

Rupali Chakankar : रूपाली चाकणकरांचा अखेर राष्ट्रवादी महिला प्रदेशाध्यक्षपदाचा राजीनामा:खरात प्रकरणामुळे असंतोष भोवला, उपमुख्यमंत्र्यांशी चर्चा करून निर्णय

विशेष प्रतिनिधी

मुंबई : Rupali Chakankar राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांनी अखेर आपल्या पदाचा राजीनामा दिला आहे. नाशिकमधील भोंदूबाबा अशोक खरात प्रकरणावरून निर्माण झालेल्या वादाच्या पार्श्वभूमीवर हा निर्णय घेण्यात आल्याची माहिती समोर आली आहे.Rupali Chakankar

उपमुख्यमंत्र्यांशी चर्चा करून निर्णय

चाकणकर यांनी हा राजीनामा उपमुख्यमंत्री अजित पवार यांच्याशी चर्चा केल्यानंतर दिला. पक्षाच्या प्रतिमेवर परिणाम होऊ नये आणि सुरू असलेल्या वादामुळे संघटनेवर ताण येऊ नये, यासाठी त्यांनी स्वतःहून बाजूला होण्याचा निर्णय घेतल्याचं सांगितलं जात आहे.Rupali Chakankar

पल्स 2026 : महाराष्ट्राच्या आरोग्य क्षेत्रातील नव्या परिवर्तनाचा राजमार्ग; आरोग्य सेवेतील गुणवत्तेवर भर

खरात प्रकरणामुळे वाद वाढला

नाशिकमधील अशोक खरात प्रकरणामुळे राज्यभरात मोठी खळबळ उडाली होती.

खरातवर महिलांच्या शोषणासंबंधी गंभीर आरोप झाले. या प्रकरणात काही राजकीय व्यक्तींची नावं चर्चेत आली. चाकणकर यांचं नावही या वादात जोडल्याने राजकीय वातावरण तापलं. यामुळे विरोधकांनीही जोरदार टीका केली, तर पक्षांतर्गत नाराजीही वाढल्याचं बोललं जात आहे.

आधीच महिला आयोगाच्या पदाचा राजीनामा

या वादाचा परिणाम म्हणून चाकणकर यांनी यापूर्वीच महाराष्ट्र राज्य महिला आयोगाच्या अध्यक्षपदाचा राजीनामा दिला होता. आता पक्षातील महिला प्रदेशाध्यक्ष पदही सोडल्याने त्यांच्या राजकीय वाटचालीवर मोठा परिणाम झाल्याचं मानलं जात आहे.

चाकणकर यांची भूमिका

राजीनामा देताना त्यांनी स्पष्ट केलं की, खरात प्रकरणाशी आपला कोणताही संबंध नाही. आरोप निराधार असून सत्य समोर येईल. तपास निष्पक्ष आणि पारदर्शक व्हावा, अशी त्यांची अपेक्षा आहे. तसंच, या प्रकरणामुळे पक्षाला कोणताही त्रास होऊ नये, यासाठीच त्यांनी हा निर्णय घेतल्याचं त्यांनी नमूद केलं.

पक्षावर परिणाम

या घटनेमुळे राष्ट्रवादी काँग्रेसमध्ये अस्वस्थता निर्माण झाली आहे. पक्षाची प्रतिमा डागाळल्याची चर्चा सुरू आहे. विरोधकांकडून टीकेची झोड उठवली जात आहे. संघटनात्मक पातळीवर दबाव वाढल्याचे संकेत आहेत.

अशोक खरात प्रकरणामुळे निर्माण झालेल्या वादाचा थेट फटका रुपाली चाकणकर यांना बसला आहे. दोन महत्त्वाच्या पदांवरून त्यांना पायउतार व्हावं लागल्याने महाराष्ट्राच्या राजकारणात ही मोठी घडामोड मानली जात आहे.