MNS WITH BJP : ‘पाटील दिल्ली गाजवतील’; मनसेकडून भाजपसाठी बॅनर : भाजप – मनसे एकत्र येणार का?

By, Vishal Joshi - August 17, 2021 12:51:35

0

भाजप आणि मनसे एकत्र येणार अशी चर्चा पुन्हा सुरु झाली आहे. एका बॅनरमुळे अशी चर्चा सुरु झाली आहे.

‘पाटील दिल्ली गाजवतील’ अशा शुभेच्छा देणारा बॅनर मनसेच्या एकमेव आमदाराने भाजपच्या मंत्र्यासाठी झळकवल्याने सर्वांच्या भुवया उंचावल्या आहेत. MNS WITH BJP: ‘Patil will rule Delhi’; MNS banner for BJP: Will BJP-MNS come together?

विशेष प्रतिनिधी

मुंबई : केंद्रीय पंचायत राज राज्यमंत्री कपिल पाटील यांच्या नेतृत्वाखाली सोमवारपासून ठाणे आणि रायगड जिल्ह्यात जन आशिर्वाद यात्रा सुरू झाली आहे. एकीकडे भाजपाचे केंद्रीय राज्यमंत्री कपिल पाटील यांना जुन्या मित्रपक्षाच्या पदाधिकाऱ्यांनी शुभेच्छा देणार फलक झळकवित साऱ्यांचे लक्ष वेधण्याचा प्रयत्न केला आहे. तर दुसरीकडे मनसेचे आमदार राजू पाटील यांनी ‘पाटील दिल्ली गाजवतील’ असा हटके बॅनर लावला आहे.MNS WITH BJP: ‘Patil will rule Delhi’; MNS banner for BJP: Will BJP-MNS come together?

आगरी समाजातील नेत्याला प्रथमच कपिल पाटील यांच्या रुपात केंद्रीय राज्यमंत्रिपद मिळाले आहे. यामुळे भाजपा कार्यकर्त्यांबरोबरच इतर पक्षातील आगरी समाजातील नेते, कार्यकर्ते यांनीही त्यांना शुभेच्छा देणारे फलक शहरात सर्वत्र झळकावले आहेत.

शरद पवार यांच्या पाठोपाठ भाजप घेणार पोलखोल सभा :ओबीसी आरक्षण मुद्यावर चंद्रकांत पाटील यांची आक्रमक भूमिका

दरम्यान, यावेळी शिवसेनेचे माजी आमदार सुभाष भोईर, माजी नगरसेवक दीपेश म्हात्रे यांचे बॅनर चर्चेचा विषय ठरले असले तरी त्यावरून राजकीय चर्चांना उधाण आले आहे. त्यात मनसे आमदार राजू पाटील यांनी हटकेच संदेश देणारा बॅनर झळकविल्याने एका नवे संदेश दिला आहे.

‘पाटील दिल्ली गाजवतील’ अशा शुभेच्छा देणारा बॅनर मनसेच्या एकमेव आमदाराने भाजपच्या मंत्र्यासाठी झळकवल्याने सर्वांच्या भुवया उंचावल्या आहेत.

बॅनरवर घरातील सर्वांचे फोटो लावून आपला घरोबा खासदार पाटील यांच्याशी असल्याने आपण या शुभेच्छा दिल्या, यात पक्षाचा काही सहभाग नाही. अशी आपली भूमिका आमदार राजू पाटील यांनी स्पष्ट केली आहे.

मात्र, असं असलं तरी राजू पाटील यांनी स्वत: राज्यमंत्र्यांचं अगदी बँडबाजा वाजवून स्वागत केलं. एवढंच नव्हे तर मंत्री कपिल पाटील यांच्यसोबत ते आशीर्वाद यात्रेत सहभागी देखील झाले होते. त्यांच्याच गाडीतून राजू पाटील काही जन आशीर्वाद यात्रेसाठी प्रवासही केला. त्यामुळे हे दोन्हा पक्ष आता हळूहळू जवळ येऊ लागले आहेत.