राज्याच्या पोलिस महासंचालकांच्या नावे बनावट फेसबुक प्रोफाईल

By, Sachin Deshmukh - August 18, 2021 08:30:26

0

विशेष प्रतिनिधी

मुंबई – राज्याचे पोलिस महासंचालक संजय पांडे यांच्या नावाने बनावट फेसबुक खाते बनविणाऱ्या महफुज अझीम खान (वय २१) याला राज्य सायबर विभागाने उत्तर प्रदेशातून अटक केली.अॅड. अटलबिहारी दुबे यांच्या तक्रारीवरून सायबर विभागाने ही कारवाई केली.Face book account of DG hacked

त्यावरून पोलिसांनी तत्काळ कारवाई करत आयपी ॲड्रेसच्या मदतीने आग्रा येथून सवन अझीम नावाच्या व्यक्तीला ताब्यात घेतले. त्याचा मुलगा महफुज खान त्याच्या नावावरील मोबाईल क्रमांक वापरत असल्याचे निष्पन्न झाले.

ट्विटरने झटका दिल्यावर आता फेसबुकचीही राहूल गांधींना नोटीस, इन्स्टाग्रामवरील ती पोस्ट त्वरित हटविण्याचे आदेश

या प्रकरणी सायबर विभागाला मिळालेल्या माहितीनंतर त्याला नोटीस पाठवून सायबर विभागाच्या कार्यालयात चौकशीसाठी उपस्थित राहण्यास सोमवारी सांगण्यात आले होते. तेथे आल्यानंतर आरोपीनेच पांडे यांच्या नावाची बनावट प्रोफाईल तयार केल्याचे निष्पन्न झाले. अखेर त्याला याप्रकरणी अटक केली.

याप्रकरणी सायबर तोतयागिरी केल्याप्रकरणी त्याला अटक केल्यानंतर न्यायालयापुढे हजर केले होते. तेथे न्यायालयाने त्याला २० ऑगस्टपर्यंत पोलिस कोठडी सुनावली.तक्रारदार दुबे यांना या बनावट फेसबुक प्रोफाईलवरून फ्रेंड रिक्वेस्ट आली होती; पण महासंचालक पांडे फेसबुकवर दुबे यांचे फ्रेंड होते.

त्यानंतरही नव्या प्रोफाईलवरून त्यांना रिक्वेस्ट आल्यामुळे त्यांना संशय आला. त्यांनी याबाबत पांडे यांच्याकडे विचारणा केली असता ती फेसबुक प्रोफाईल बनावट असल्याचे निष्पन्न झाले. त्यामुळे अखेर दुबे यांनी याप्रकरणी महाराष्ट्र सायबर विभागाकडे तक्रार केली. सायबर पोलिसांनीही प्रकरणाचे गांभीर्य लक्षात घेऊन तत्काळ याप्रकरणी गुन्हा दाखल केला.