Bulldozer : नागपूर हिंसाचाराचा सूत्रधार फहीम खानच्या घरावर चालवण्यात आला बुलडोझर

By, Pravin Wankhade - March 24, 2025 06:00:47

0

कारवाई करताना मोठा फौजफाटा तैनात

विशेष प्रतिनिधी

नागपूर : Bulldozer औरंगजेबाची कबर हटवण्याबाबत नागपूरमध्ये झालेल्या निदर्शनानंतर अचानक हिंसाचार उफाळला होता. दरम्यान, महाराष्ट्र सरकारने आता हिंसाचारातील मुख्य आरोपी फहीम खानवर कारवाई केली आहे. फहीम खानच्या घरावर बुलडोझर कारवाई करण्यात आली आहे. फहीम खानवर नागपूर हिंसाचाराचा मास्टरमाइंड असल्याचा आरोप आहे. सध्या तो पोलिस कोठडीत आहे.Bulldozer

महाराष्ट्रातील नागपूर शहरात १७ मार्च रोजी झालेल्या हिंसाचारप्रकरणी अटक करण्यात आलेल्या १०० हून अधिक लोकांमध्ये मायनॉरिटी डेमोक्रॅटिक पार्टी (एमडीपी) नेते फहीम खानचा समावेश आहे. सूत्रांनी सांगितले की, काही दिवसांपूर्वी नागपूर महानगरपालिकेने फहीम खानला नोटीस बजावली होती.

Jayant Patil सत्तेच्या वळचणीला यायची जयंत पाटलांची तडफड; त्यांच्याबरोबरच इतर “पवार संस्कारितांची” देखील तीच तगमग!!

सूत्रांनी दिलेल्या माहितीनुसार, यशोधरा नगर परिसरातील संजय बाग कॉलनीतील हे घर फहीम खानच्या पत्नीच्या नावावर नोंदणीकृत आहे. एमडीपी शहर प्रमुख फहीम खान सध्या तुरुंगात आहे. छत्रपती संभाजीनगरमधील औरंगजेबाची कबर हटवण्याच्या मागणीसाठी विश्व हिंदू परिषदेने केलेल्या निदर्शनानंतर काही समाज कंटांमुळे अचानक हिंसाचार उफाळला होता.