Taliban : मुल्ला बरादरचा पत्ता कट! मुल्ला हसन अखुंद करणार तालिबान सरकारचे नेतृत्व, मंत्रिमंडळात आणखी कोण-कोण? वाचा सविस्तर…

By, Pravin Wankhade - September 7, 2021 11:20:55

0

अफगाणिस्तानमध्ये तालिबानने संपूर्ण ताबा मिळवल्यानंतर सरकार स्थापनेच्या तयारीने वेग घेतला आहे. यापूर्वी सरकार स्थापनेचे काम गेल्या आठवड्यातच करायचे होते, परंतु काही कारणामुळे ते पुढे ढकलण्यात आले. असे मानले जाते की, बुधवारी तालिबानचे नवीन सरकार स्थापन होईल किंवा येत्या काही दिवसांत ते निश्चित होईल. मुल्ला हसन अखुंद अफगाणिस्तानचे नवे प्रमुख बनू शकतात. taliban nominate mullah hasan akhund as head of afghanistan know who will be other ministers

वृत्तसंस्था

काबूल : अफगाणिस्तानमध्ये तालिबानने संपूर्ण ताबा मिळवल्यानंतर सरकार स्थापनेच्या तयारीने वेग घेतला आहे. यापूर्वी सरकार स्थापनेचे काम गेल्या आठवड्यातच करायचे होते, परंतु काही कारणामुळे ते पुढे ढकलण्यात आले. असे मानले जाते की, बुधवारी तालिबानचे नवीन सरकार स्थापन होईल किंवा येत्या काही दिवसांत ते निश्चित होईल. मुल्ला हसन अखुंद अफगाणिस्तानचे नवे प्रमुख बनू शकतात. हे नाव सर्वांना चकित करणारे आहे, कारण आतापर्यंत मुल्ला बरादर यांच्या नेतृत्वाखाली सरकार स्थापणार होणार होते.

‘द न्यूज’च्या वृत्तानुसार, खुद्द हिबतुल्ला अखुंजादा यांनी मुल्ला मोहम्मद हसन अखुंद यांना रईस-ए-जमहूर, रईस-उल-वज्रा किंवा अफगाणिस्तानचे नवे प्रमुख म्हणून प्रस्तावित केले आहे. तालिबानच्या एका वरिष्ठ नेत्याने द न्यूजला सांगितले की, मुल्ला बरादर अखुंद आणि मुल्ला अब्दुस सलाम हे त्यांचे डेप्युटी म्हणून काम करतील. अनेक तालिबान नेत्यांशी बोलताना मुल्ला मोहम्मद हसन अखुंद यांच्या नावावर सर्वांनी सहमती दर्शविल्याचा दावा केला आहे.

तालिबानने विमाने रोखल्याने शेकडो जण अफगणिस्तानाच पडले अडकून, तालिबानकडून ब्लॅकमेलिंग सुरु

मुल्ला हसन कंधारचा

मुल्ला मोहम्मद हसन अखुंद सध्या राहबारी शूरा किंवा तालिबानची शक्तिशाली निर्णय घेणारी संस्थेचे नेतृत्व करतात. त्यांचे जन्मस्थान कंधार आहेत आणि ते तालिबानच्या संस्थापकांपैकी एक आहेत. त्यांनी 20 वर्षे राहबारी शूराचे प्रमुख म्हणून काम केले आणि तालिबान नेतृत्वामध्ये स्वतःची चांगली प्रतिष्ठा निर्माण केली. ते लष्करी पार्श्वभूमीपेक्षा एक धार्मिक नेता जास्त आहे आणि चारित्र्य आणि ईशनिष्ठेसाठी ओळखले जातात.

तालिबानच्या एका नेत्याने सांगितले की, मुल्ला हसन 20 वर्षांपासून हिबतुल्लाह अखुंजादाच्या जवळ होता. तालिबानच्या म्हणण्यानुसार, मुल्ला हसन त्याच्या आधीच्या सरकारच्या काळात अफगाणिस्तानमध्ये महत्त्वाच्या पदांवर होता. मुल्ला मोहम्मद रब्बानी अखुंद जेव्हा पंतप्रधान होते, तेव्हा ते परराष्ट्र मंत्री आणि नंतर उपपंतप्रधान होते.

तालिबान सरकारमध्ये कोणाला कोणते खाते?

तालिबानने म्हटले आहे की, हक्कानी नेटवर्कचा नेता सिराजुद्दीन हक्कानीला केंद्रीय गृहमंत्री म्हणून प्रस्तावित करण्यात आले आहे. पूर्वेकडील प्रांतांसाठी राज्यपालांना नामांकित करण्यासाठी ते अधिकृत असतील. हे क्षेत्र पक्किया, पक्तिका, खोस्त, गार्डेज, नंगरहार आणि कुनार आहेत. त्याचप्रमाणे तालिबानचे संस्थापक मुल्ला मोहम्मद उमर यांचा मुलगा मुल्ला याकूबला अफगाणिस्तानचे नवे संरक्षण मंत्री करण्यात आले आहे. मुल्ला याकूब त्याच्या मदरशात शेख हिबतुल्ला अखुंजादाचा विद्यार्थी होता.