100 Crore Doses : १६ जानेवारी ते २१ ऑक्टोबर २०२१, असा होता कोरोना लसीकरणाच्या १०० कोटी डोसपर्यंतचा भारताचा प्रवास

By, shreekant patil - October 21, 2021 06:26:02

0

100 Crore Doses From 16 January to 21 October 2021, Know About the journey towards 100 crore doses of Corona vaccination Of India

100 Crore Doses : या वर्षाच्या सुरुवातीला 16 जानेवारी रोजी लसीकरणाला सुरुवात झाल्यानंतर अवघ्या 9 महिन्यांत भारताने 100 कोटींपेक्षा जास्त लसींच्या डोसचा टप्पा गाठला आहे. जागतिक स्तरावर विचार केला तर, जगात दिल्या जाणाऱ्या प्रत्येक 100 पैकी 15 डोस हे भारतातील आहेत. यावरून तुम्हाला भारतातील लसीकरण मोहिमेच्या व्यापकतेचा अंदाज बांधता येईल. भारतात दिलेल्या एकूण लसीच्या डोसपैकी 65 टक्क्यांहून अधिक डोस देशाच्या ग्रामीण भागात दिले गेले आहेत. कमी उत्पन्न असलेल्या देशांमध्ये केवळ 3 टक्के लोकसंख्येला लसीचा एकच डोस मिळाला आहे. 100 Crore Doses From 16 January to 21 October 2021, Know About the journey towards 100 crore doses of Corona vaccination Of India

प्रतिनिधी

नवी दिल्ली : या वर्षाच्या सुरुवातीला 16 जानेवारी रोजी लसीकरणाला सुरुवात झाल्यानंतर अवघ्या 9 महिन्यांत भारताने 100 कोटींपेक्षा जास्त लसींच्या डोसचा टप्पा गाठला आहे. जागतिक स्तरावर विचार केला तर, जगात दिल्या जाणाऱ्या प्रत्येक 100 पैकी 15 डोस हे भारतातील आहेत. यावरून तुम्हाला भारतातील लसीकरण मोहिमेच्या व्यापकतेचा अंदाज बांधता येईल. भारतात दिलेल्या एकूण लसीच्या डोसपैकी 65 टक्क्यांहून अधिक डोस देशाच्या ग्रामीण भागात दिले गेले आहेत. कमी उत्पन्न असलेल्या देशांमध्ये केवळ 3 टक्के लोकसंख्येला लसीचा एकच डोस मिळाला आहे.

भारताचे लसीकरणाची व्यापकता मोठ्या प्रमाणावर वाढली आहे. देशात सुमारे 75 टक्के लोकसंख्येला कोरोना लसीचा पहिला डोस मिळाला आहे, तर 31 टक्के प्रौढ लोकसंख्येला दोन्ही डोस मिळाले आहेत. जेव्हा देश दुसऱ्या लाटेच्या कचाट्यात होता, तेव्हा देशातील कोरोना लसीकरण मोहिमेला बऱ्याच टीकेला सामोरे जावे लागले. सीरम इन्स्टिट्यूट ऑफ इंडिया आणि हैदराबादेतील भारत बायोटेकच्या लसीच्या उत्पादनात अडथळे आल्यामुळे मे महिन्यात भारतात लसीचा तुटवडा जाणवला. तथापि, उत्पादन क्षमता वाढवण्याबरोबरच देशभरातील राज्यांना 103.4 कोटी लस डोस देण्यात आले. त्याच वेळी 10.85 कोटी डोस अजूनही उपलब्ध आहेत.

ऐतिहासिक लसीकरण मोहीम 16 जानेवारीला सुरू

अधिकृत आकडेवारीनुसार, देशातील आठ राज्यांनी एकूण 6 कोटींहून अधिक लसीकरण केले आहे. उत्तर प्रदेश, महाराष्ट्र, पश्चिम बंगाल, गुजरात, मध्य प्रदेश, बिहार, कर्नाटक आणि राजस्थान. देशाचा 100 कोटी लसीकरणाचा प्रवास निश्चितच सोपा नव्हता, हे सर्वांनी पाहिलेय.

16 जानेवारी रोजी भारताने आरोग्य कर्मचाऱ्यांना आणि फ्रंटलाइन वर्कर्सना प्राधान्याच्या आधारे लस देण्यास सुरुवात केली. बुधवारी सकाळपर्यंत सुमारे 1.03 कोटी आरोग्य कर्मचाऱ्यांना पहिला डोस मिळाला आहे आणि 90.98 लाखांना लसीचे दोन्ही डोस देण्यात आले आहेत. त्याचप्रमाणे, 1.83 कोटी फ्रंटलाइन वर्कर्सना त्यांचा पहिला डोस मिळाला आहे, तर 1.55 कोटींना दोन्ही शॉट्स मिळाले आहेत.

1 मार्चला दुसरा, तर 1 एप्रिलला लसीकरणाचा तिसरा टप्पा सुरू

1 मार्च रोजी केंद्राने अतिसंवेदनशील विभागांसाठी लसीकरण मोहीम सुरू केली. यामध्ये 60 वर्षांवरील लोक आणि 45 वर्षांवरील गंभीर आजार असलेल्या लोकांचा समावेश करण्यात आला. यानंतर दुसऱ्या लाटेच्या दरम्यान 1 एप्रिल रोजी देशात लसीकरणाचा नवीन टप्पा सुरू झाला. या टप्प्यात 45 वर्षांवरील लोकांना लसीचे डोस देण्याचे लक्ष्य होते. अधिकृत आकडेवारीनुसार, 60 वर्षांवरील 10.62 कोटी लोकांना कोरोना लसीचा पहिला डोस मिळाला आहे आणि 6.20 कोटी लोकांना पूर्णपणे लसीकरण करण्यात आले आहे. 45 पेक्षा जास्त वयोगटात 16.88 कोटी लोकांना पहिला डोस देण्यात आला आहे, तर या वर्गात 8.76 कोटी लोकांना दोन्ही डोस मिळाले आहेत.

1 मेपासून प्रत्येकासाठी लस सुरू झाली

1 मे रोजी भारताने 18 वर्षे आणि त्याहून अधिक वयाच्या सर्व लोकांना समाविष्ट करण्यासाठी लसीकरणाचा विस्तार वाढवला. सध्या, राज्य सरकारे आणि खासगी रुग्णालयांच्या माध्यमातून 50 टक्के डोस 18-44 वयोगटातील लोकांना देण्यात आले. हा नियम 21 जून रोजी बदलण्यात आला. अधिकृत आकडेवारीनुसार, 18-44 वयोगटातील 39.73 कोटी लाभार्थ्यांना पहिला डोस देण्यात आला आहे, तर 11.57 कोटींना दोन्ही डोस देण्यात आले आहेत.

मधल्या काळात केंद्रावर राज्य सरकारांची टीका

एप्रिल आणि मे महिन्यात देशाला कोविड -19 लसीचा तीव्र तुटवडा जाणवत होता, त्यामुळे राज्य सरकारे आणि विरोधकांनीही केंद्र सरकारवर त्यावेळी टीका केली. भाजपने शासित राज्यांपेक्षा कमी लसीचे डोस दिल्याचा महाराष्ट्राने यापूर्वी आरोप केला होता. तथापि, माजी आरोग्यमंत्री डॉ. हर्षवर्धन यांनी उद्धव ठाकरे यांच्या नेतृत्वाखालील सरकारवर घणाघाती हल्ला चढवत म्हटले की, ते सार्वजनिक आरोग्याच्या समस्येचे “राजकारण ‘करत आहेत. सरकारचे संपूर्ण लक्ष जास्तीत जास्त लसीकरण करण्यावर होते आणि आज 100 कोटींचा आकडा पार केला. हे भारताचे सर्वात मोठे ऐतिहासिक यश आहे.

100 Crore Doses From 16 January to 21 October 2021, Know About the journey towards 100 crore doses of Corona vaccination Of India

महत्त्वाच्या बातम्या