तालिका अध्यक्षांचे नाव डाम्बरने लिहिले जाईल – अतुल भातखळकर

By, Pravin Wankhade - July 5, 2021 06:55:03

0

प्रतिनिधी

मुंबई : तालिका सभापती म्हणून भास्कर जाधवांचे नाव डाम्बरने लिहिले जाईल, टीकेमुळे पिसाळलेल्या वसूली सरकारची तंतरली… म्हणून झाली निलंबनाची कारवाई, असे भाजपचे अतुल भातखळकर यांनी सांगितले. The names of the speaker will be written with the asphalt : Atul Bhatkhalkar

तालिका अध्यक्षांना धक्काबुक्की अन् शिवीगाळ प्रकरणी भाजपाच्या १२ आमदारांवर निलंबनाची कारवाई करण्यात आली. त्यांना एक वर्षासाठी निलंबित करण्यात आले आहे. त्या पार्श्वभूमीवर ते बोलत होते.

नानांच्या “दोन दाढीवाल्यांचे शटर बंद करायचेय” टीकेला भातखळकरांचे “दाढीचे खुंट वाढवून फिरणारा पाहा”ने प्रत्युत्तर

ते म्हणाले, भाजपच्या कोणत्याही आमदाराने धक्काबुक्की केली नाही. या उलट शिवसेनेच्या आमदाराने शिवीगाळ केली. हे स्वतः त्यांनी मान्य केले. मी तर डायसवर सुद्धा गेलो नव्हतो.खाली उभा होतो. मग मला जा निलंबित केले. मी रोज सरकार आणि मुख्यमंत्र्यांवर टीका करतो. त्याची खुन्नस काढण्यासाठी आज त्यांनी निलंबनाचा मार्ग अवलंबला आहे.

उरलेल्या १०६ भाजप आमदारांना निलंबित केले तरी भाजप ओबीसी आरक्षणासाठी लढा देणारच आहे. त्यांचा राग देवेंद्र फडणवीस आणि भाजपावर अधिक आहे. त्यातून ही कारवाई केली गेली आहे. सरकारचा ढोंगीपणा बाहेर काढण्याच काम सातत्याने करत राहू.

तालिका सभापती म्हणून भास्कर जाधवांचे नाव डाम्बरने लिहिले जाईल, टीकेमुळे पिसाळलेल्या वसूली सरकारची तंतरली… म्हणून झाली निलंबनाची कारवाई. pic.twitter.com/8xMSp7q6jI

— Atul Bhatkhalkar (मोदी का परीवार) (@BhatkhalkarA) July 5, 2021

विधानसभा अध्यक्षांच्या चेंबरमध्ये शिवीगाळ झाली हे सत्य आहे, ती कोणी केली हे उघड करण्यासाठी तालिका अध्यक्ष भास्कर जाधव यांची नार्को टेस्ट करा, अशी मागणी मी राज्यपालांकडे करणार आहे.
शिवीगाळ करण्याचा इतिहास कोणाचा आहे हे अवघ्या महाराष्ट्राला ठाऊक आहे.#MahaNapasAghadi

— Atul Bhatkhalkar (मोदी का परीवार) (@BhatkhalkarA) July 5, 2021