रॉबर्ट वढेरा यांना EDने ‘या’ प्रकरणी चौकशीसाठी बजावले समन्स

By, Pravin Wankhade - June 16, 2025 09:00:14

0

मनी लाँड्रिंग प्रतिबंधक कायद्याअंतर्गत (पीएमएलए) या प्रकरणाची चौकशी सुरू आहे.

विशेष प्रतिनिधी

नवी दिल्ली: सक्तवसुली संचालनालयाने उद्योगपती आणि प्रियांका गांधी यांचे पती रॉबर्ट वढेरा यांना चौकशीसाठी समन्स बजावले आहे. ईडीने मंगळवारी वड्रा यांना चौकशीसाठी बोलावले आहे. ब्रिटनमध्ये राहणाऱ्या शस्त्रास्त्र सल्लागार संजय भंडारी यांच्याशी संबंधित मनी लाँड्रिंग प्रकरणात त्यांना चौकशीसाठी बोलावले आहे. गेल्या मंगळवारीही ईडीने वढेरा यांना चौकशीसाठी बोलावले होते. तथापि, वढेरा चौकशीसाठी हजर राहिले नव्हते.

Devendra Fadnavis : पैसा नाही तर माणूस हेच आज खरे भांडवल, मुख्यमंत्री देवेंद्र फडणवीस यांचे प्रतिपादन

वढेरा यांना या प्रकरणात त्यांचे म्हणणे नोंदवण्यासाठी १७ जून रोजी ईडीसमोर हजर राहण्यास सांगण्यात आले आहे. मनी लाँड्रिंग प्रतिबंधक कायद्याअंतर्गत (पीएमएलए) या प्रकरणाची चौकशी सुरू आहे.

या प्रकरणात वढेरा यांना १० जून रोजी चौकशीसाठी बोलावण्यात आले होते. परंतु ते ९ जून रोजी त्यांना फ्लूसारखी लक्षणे असल्याचे आणि प्रोटोकॉलनुसार त्यांनी कोविड चाचणी केल्याचे सांगून हजर राहिले नाहीत. तर त्यांच्या वकिलांनी त्यावेळी सांगितले होते की वढेरा यांचा समन्सकडे दुर्लक्ष करण्याचा कोणताही हेतू नव्हता आणि ते या महिन्याच्या अखेरीस त्यांच्या परदेश दौऱ्यापूर्वी किंवा नंतर कधीही ईडीसमोर हजर राहण्यास तयार आहेत.