Home  »  भारत माझा देश

Indo Pak ceasefire : भारताने धोरणात्मक निर्णय बदलल्यानंतर भारत आणि पाकिस्तानात यांच्यात शस्त्रसंधी, डोनाल्ड ट्रम्प यांचा दावा

By, Pravin Wankhade - May 10, 2025 07:20:02
0

विशेष प्रतिनिधी

नवी दिल्ली : भारताचे ऑपरेशन सिंदूर यशस्वी झाल्यानंतर भारताने आपली भूमिका अधिक ताठर करत कुठल्याही प्रकारच्या दहशतवादाला act of war असे समजूनच ठोकून काढले जाईल, असे स्पष्ट केले. त्यानंतर अमेरिकेचे अध्यक्ष डोनाल्ड ट्रम्प यांनी भारत आणि पाकिस्तान यांच्यात शस्त्रसंधी झाल्याचे जाहीर केले. डोनाल्ड ट्रम्प यांच्या ट्रू नंतर अमेरिकेचे परराष्ट्रमंत्री मार्को रुबीओ आणि त्यानंतर पाकिस्तानचे उपपंतप्रधान इशाक दार यांनी शस्त्रसंधी संदर्भात ट्विट केले.

अमेरिकेने दोन्ही देशांच्या नेत्यांशी सुमारे 48 तास मध्यस्थीची चर्चा केल्यानंतर भारत आणि पाकिस्तान यांनी शस्त्रसंधी करायची तयारी दाखवली दोन्ही देशांनी प्रगल्भता दाखवली त्याबद्दल त्यांचे अभिनंदन, असे ट्रू डोनाल्ड ट्रम्प यांनी केले. त्यानंतर मार्को रुबियो यांनी अमेरिकेच्या मध्यस्थीचे तपशीलवार वर्णन केले. अमेरिकेचे उपाध्यक्ष जे. डी. व्हान्स यांनी पंतप्रधान नरेंद्र मोदी आणि पाकिस्तानचे पंतप्रधान शहाबाज शरीफ यांच्याशी चर्चा केली.

मार्को रुबियो यांनी भारताचे परराष्ट्रमंत्री एस. जयशंकर आणि पाकिस्तानचे लष्करप्रमुख असीम मुनीर यांच्याशी चर्चा केली. त्यानंतर दोन्ही देशांनी शस्त्रसंधी करायची तयारी दाखविली, असे ट्विट मार्को रुबियो यांनी केले.

दोन्ही देशांनी चर्चेची तयारी दाखविली असून त्रयस्थ ठिकाणी ही चर्चा होईल असा दावा देखील मार्को रुबियो यांनी केला.

Ceasefire between India and Pakistan after India changes policy, claims Donald Trump

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    NEXT POST PREVIOUS POST
    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात