इस्रायलने गाझामधील लष्करी कारवाया तत्काळ थांबवाव्यात!

By, Pravin Wankhade - May 25, 2024 04:00:42

0

आंतरराष्ट्रीय न्यायालयाचे नेतन्याहू सरकारला आदेश

विशेष प्रतिनिधी

हेग: इंटरनॅशनल कोर्ट ऑफ जस्टिस (ICJ), संयुक्त राष्ट्रांच्या सर्वोच्च न्यायालयाने शुक्रवारी गाझामधील रफाह शहरात इस्रायली लष्करी कारवाई तात्काळ थांबवण्याचे आदेश दिले. हेग, नेदरलँड्स येथील आंतरराष्ट्रीय न्यायालयाचे मुख्य न्यायमूर्ती नवाफ सलाम म्हणाले, “इस्रायलच्या नेतन्याहू सरकारने रफाहमधील लष्करी हल्ला आणि इतर कोणतीही कारवाई ताबडतोब थांबवावी, कारण ते पॅलेस्टिनींच्या जीवितास धोका आहे. गाझा पट्टीजीवनाचा पूर्ण किंवा आंशिक विनाश होऊ शकतो.”Israel immediately halted its military operation in Gaza

पॅलेस्टाइनला आयर्लंड, नॉर्वे आणि स्पेन देणार मान्यता; संतप्त इस्रायलने राजदूत परत बोलावले

इस्रायल आणि पॅलेस्टिनी संघटना हमास यांच्यात ७ ऑक्टोबर २०२३ पासून युद्ध सुरू आहे. या दिवशी हमासने गाझा पट्टीतून इस्रायलच्या दिशेने ५ हजारांहून अधिक रॉकेट डागले. त्यापैकी १२०० लोकांचा मृत्यू झाला. तेव्हापासून इस्रायल गाझावर प्रत्युत्तर देत आहे. इस्रायलचे पंतप्रधान बेंजामिन नेतन्याहू यांनी हमासचा अंत होईपर्यंत गाझामध्ये कारवाई सुरूच ठेवण्याची घोषणा केली आहे.

‘रॉयटर्स’ या वृत्तसंस्थेच्या वृत्तानुसार, आंतरराष्ट्रीय न्यायालयाने इस्रायलला या आदेशावर कोणती पावले उचलली जावीत याबाबत एका महिन्यात अहवाल सादर करण्यास सांगितले आहे. न्यायालयाने म्हटले आहे की, इजिप्तसोबतची रफाह सीमा मानवतावादी मदतीसाठी खुली करण्यात यावी, जेणेकरून सीमेवरून गाझामधील लोकांना आवश्यक ती मदत पुरवता येईल.

खरं तर, दक्षिण आफ्रिकेने युद्धावर आपत्कालीन उपायासाठी आंतरराष्ट्रीय न्यायालयात (ICJ) याचिका दाखल केली आहे, जेणेकरून इस्रायलला रफाहसह गाझा पट्टीतील लष्करी कारवाईपासून रोखता येईल. याशिवाय नुकतेच ICC (इंटरनॅशनल क्रिमिनल कोर्ट)चे मुख्य अभियोक्ता करीम खान यांनी इस्रायलचे पंतप्रधान बेंजामिन नेतन्याहू यांच्याविरोधात अटक वॉरंट जारी करण्याची मागणी केली होती.