ज्यादा मुले पैदा करण्याचा विषय तुम्ही फक्त मुसलमानांशीच का जोडता??; मोदींचा विरोधकांना बोचरा सवाल!!

By, Pravin Wankhade - May 14, 2024 08:16:04

0

विशेष प्रतिनिधी

वाराणसी : ज्यादा मुले पैदा करण्याचा विषय तुम्ही फक्त मुसलमानांशीच का जोडता??, मुस्लिमांवर हा अन्याय का करता??, असा बोचरा सवाल पंतप्रधान नरेंद्र मोदी यांनी एका मुलाखतीत केला. सरकारी योजनांचा लाभ देताना मी कधी हिंदू – मुस्लिम भेदभाव केला नाही इथून पुढेही हिंदू – मुस्लिम करणार नाही. ज्या दिवशी मी हिंदू मुस्लिम भेद करेन, त्या दिवशी मी सार्वजनिक जीवनात राहणार नाही, असा निर्वाळा मोदींनी दिला. Modi’s stupid question to the opposition

काँग्रेसच्या जाहीरनाम्याची चिरफाड करताना पंतप्रधान मोदींनी काँग्रेस दीन, दलित, आदिवासी, ओबीसी यांचा हक्क मारून त्यांच्या हक्काच्या सवलती ज्यादा मुले पैदा करणाऱ्यांना, देशात बाहेरून येणाऱ्या घुसखोरांना देण्याचे कारस्थान आखात आहे, असा आरोप केला होता. त्यानंतर विरोधकांनी पंतप्रधान मोदींवर ते हिंदू – मुसलमान भेद करत असल्याचा आरोप केला. या विषयावर रूबिया लियाकत हिला दिलेल्या मुलाखतीत पंतप्रधान मोदींनी स्पष्ट खुलासा केला.

Main jis din Hindu Musalmaan karoonga, us din main sarvajanik jeevan mein rahne yogya nahi rahoonga

And he said it with a straight facepic.twitter.com/MrgS6X5Tpp

— Rana Ayyub (@RanaAyyub) May 14, 2024

विरोधकांनी माझ्या त्या वक्तव्याचा हिंदू – मुसलमान भेदाचा अर्थ काढला, तेव्हा मी हैराण झालो. मी सरकारी योजनांचा सगळ्यांना लाभ देताना कुठेही कुठल्याच समाजाशी भेदभाव केला नाही. जो ज्या सरकारी योजनेचा लाभार्थी आहे, त्या प्रत्येकाला 100% लाभ देण्याचा प्रयत्न केला. तिथे कधीच हिंदू – मुसलमान असला भेद केला नाही. सरकारी घरे देताना किंवा बाकी कुठल्याही सवलती देताना माझ्या सरकारने जाती धर्म असा कुठलाही भेदभाव केला नाही, असे मोदींनी स्पष्ट केले.

मूळात ज्यादा मुले पैदा करणे हा विषय तुम्ही फक्त मुसलमानांशीच का जोडता??, मुसलमानांवर हा अन्याय का करता?? वास्तविक जिथे गरीबी आहे, तिथे ज्यादा मुले पैदा करण्याची प्रवृत्ती आहे. तिथे कुठल्या धर्माचा संबंध नाही. तेवढीच मुले जन्माला घाला, जेवढी तुम्ही पालन करू शकाल. मुलांच्या पालनाची सगळी जबाबदारी सरकारवर टाकू नका, एवढेच माझे म्हणणे होते. त्यात मी कुठेही हिंदू किंवा मुसलमान असा शब्दही वापरला नव्हता, असा स्पष्ट निर्वाळा मोदींनी दिला.