जन्मठेपेची शिक्षा भोगत असलेल्या यासिन मलिकच्या अडचणी वाढल्या, फाशीची मागणी करत NIA पोहोचली हायकोर्टात! NIAs petition in the High Court to give death sentence to Yasin Malika in the case of terror funding

जन्मठेपेची शिक्षा भोगत असलेल्या यासिन मलिकच्या अडचणी वाढल्या, फाशीची मागणी करत NIA पोहोचली हायकोर्टात!

गेल्या वर्षी मे महिन्यात पटियाला हाऊस कोर्टाने यासिन मलिकला जन्मठेपेची शिक्षा सुनावली होती.

विशेष प्रतिनिधी

नवी दिल्ली : यासिन मलिकला टेरर फंडिंग प्रकरणी फाशीची शिक्षा व्हावी यासाठी राष्ट्रीय तपास संस्थेने (एनआयए) दिल्ली उच्च न्यायालयात याचिका दाखल केली आहे. यासीन मलिकला सुनावण्यात आलेल्या जन्मठेपेची शिक्षा फाशीमध्ये बदलण्यासाठी ही याचिका दाखल करण्यात आली आहे. गेल्या वर्षी मे महिन्यात पटियाला हाऊस कोर्टाने यासिन मलिकला जन्मठेपेची शिक्षा सुनावली होती. NIAs petition in the High Court to give death sentence to Yasin Malika in the case of terror funding

हे प्रकरण टेरर फंडिंगशी संबंधित आहे, ज्यामध्ये लष्कर-ए-तैयबा (LeT) दहशतवादी हाफिज सईद मुख्य आरोपी आहे. हाफिज सईद काश्मिरी फुटीरतावादी आणि इतर दहशतवादी संघटनांशी हातमिळवणी करून देश-विदेशातून निधी गोळा करत होता, ज्याचा वापर दगडफेक, शाळांना आग लावणे, काश्मीरमध्ये दहशतवादी घटना घडवून आणणे अशा कारवायांसाठी केला जात होता, असा आरोप आहे. म्हणजेच दहशतवादी आणि फुटीरतावादी या पैशाचा वापर काश्मीरमधील लोकांना भडकावण्यासाठी करत होते आणि त्यांच्या माध्यमातून ते दहशतवादी आणि देशविरोधी कारवाया करत होते.

यानंतर, एजन्सीने ३० मे २०१७ रोजी गुन्हा नोंदवला आणि तपासानंतर १८ आरोपींविरुद्ध आरोपपत्र दाखल केले. त्यात लष्कर दहशतवादी आणि त्याचा म्होरक्या हाफिज सईद आणि हिजबुल दहशतवादी युसूफ शाह उर्फ सलाहुद्दीन यांचाही समावेश आहे आणि दोघेही पाकिस्तानात बसले आहेत. या प्रकरणी यासीन मलिकने न्यायालयात स्वत:वरील आरोपांवर सुनावणी घेण्यास नकार दिला, त्यानंतर न्यायालयाने २५ मे २०२२ रोजी यासिन मलिकला आयपीसी आणि यूएपीएच्या १० कलमांतर्गत ५ वर्षे जन्मठेपेची शिक्षा सुनावली.