इस्राईलमध्ये आढळला फ्लोरोनाचा जगातील पहिला रुग्ण

By, Sachin Deshmukh - January 4, 2022 07:57:02

0

विशेष प्रतिनिधी

जेरुसलेम – जगात कोरोनाचे संकट पुन्हा गंभीर होत असतानाच इस्राईलमध्ये फ्लोरोनाचा संसर्ग आढळला आहे. या आजाराचा एक रुग्ण देशात असल्याचे येथील सरकारने जाहीर केले आहे. फ्लोरोना हा कोरोना विषाणूचे ‘अल्फा’, ‘डेल्टा’ व ओमिक्रॉन या उत्प्रेरित प्रकार नसून कोरोना व इन्फ्लूएंझा विषाणूचा एकाचवेळी झालेला संसर्ग आहे.First patient of Florona found in world

पेटा टिकव्हा येथील राबीन वैद्यकीय केंद्रात प्रसूतीसाठी आलेल्या महिलेला ‘फ्लोरोना’ची लागण झाल्याचे यात म्हटले आहे. या गर्भवतीने रोगविरोधक लस घेतलेली नव्हती, असा दावा रुग्णालयाने केला आहे. हा संसर्ग सौम्य असून आरोग्य मंत्रालय तपास करीत असल्याचे सांगण्यात आले.

वाढत्या कोरोनामुळे जर्मनीकडून ट्रॅव्हल बॅन, इस्राईलमध्ये रुग्ण वाढल्याने आणीबाणी

कोरोना व इन्फ्लूएंझा या दोन विषाणूंचा संयोग झाल्यास गंभीर आजार होऊ शकतो, का याची चाचपणी सुरू आहे. अन्यण काही रुग्णांनाही दोन विषाणूंची संसर्ग झाला असण्याची व अद्याप त्याचे निदान झाले नसावे, अशी शक्यता आरोग्य अधिकाऱ्यांनी व्यक्त केली.