Vinesh Phogat : हरियाणामध्ये विनेश फोगटला मिळणार रौप्यपदक विजेत्याचे बक्षीस, सन्मान आणि सुविधा मिळतील… मुख्यमंत्र्यांची घोषणा

By, Pravin Pawar - August 8, 2024 09:00:38

0

वृत्तसंस्था

चंदिगड : पॅरिस ऑलिम्पिकमध्ये अंतिम फेरीपूर्वी अपात्र घोषित झाल्यानंतर भारतीय कुस्तीपटू विनेश फोगटने ( Vinesh Phogat )कुस्तीतून निवृत्ती जाहीर केली आहे. हरियाणाचे मुख्यमंत्री नायब सिंग सैनी यांनी जाहीर केले की, विनेश फोगटचे पदक विजेत्याप्रमाणे स्वागत आणि सत्कार करण्यात येईल.

ऑलिम्पिकमधील रौप्यपदक विजेतीला हरियाणा सरकार जे सन्मान, बक्षिसे आणि सुविधा देते ते विनेश फोगट यांनाही सन्मानाने दिले जाईल, असे मुख्यमंत्री म्हणाले. सीएम सैनी यांनी सोशल मीडिया प्लॅटफॉर्मद्वारे सांगितले की ती चॅम्पियन आहे.

MVA parties : कुणी नाही मोठे, सगळेच छोटे; महाविकास आघाडी बनली तिळ्यांचे दुखणे!!

हरियाणा की हमारी बहादुर बेटी विनेश फौगाट ने ज़बरदस्त प्रदर्शन करके ओलंपिक में फाइनल में प्रवेश किया था। किन्हीं भी कारणों से वो भले ही ओलंपिक का फाइनल नहीं खेल पाई हो लेकिन हम सबके लिए वो एक चैंपियन है।

हमारी सरकार ने ये फैसला किया है कि विनेश फौगाट का स्वागत और अभिनंदन एक…

— Nayab Saini (@NayabSainiBJP) August 8, 2024

याआधी विनेश फोगटने कुस्तीतून निवृत्ती जाहीर केली होती आणि ती म्हणाली होती, “आई, कुस्ती माझ्याकडून जिंकली आहे, मी हरले आहे. माफ कर, तुझे स्वप्न, माझे धैर्य, सर्व तुटले, माझ्याकडे यापेक्षा जास्त ताकद नाही. अलविदा कुस्ती 2001- 2024. तुम्हा सर्वांची मी सदैव ऋणी राहीन.”

माँ कुश्ती मेरे से जीत गई मैं हार गई माफ़ करना आपका सपना मेरी हिम्मत सब टूट चुके इससे ज़्यादा ताक़त नहीं रही अब।

अलविदा कुश्ती 2001-2024 🙏

आप सबकी हमेशा ऋणी रहूँगी माफी 🙏🙏

— Vinesh Phogat (@Phogat_Vinesh) August 7, 2024

विनेशने रौप्य पदकाची मागणी केली

महिलांच्या 50 किलो वजनी गटाच्या अंतिम फेरीपूर्वी विनेश फोगटला जास्त वजनामुळे ऑलिम्पिकमधून अपात्र ठरवण्यात आले होते, त्यानंतर तिने क्रीडा लवादाच्या न्यायालयात (सीएएस) अपील केले होते. यापूर्वी तिने अंतिम सामना खेळण्यास सांगितले होते, मात्र नंतर लिहिलेल्या पत्रात तिने या स्पर्धेसाठी रौप्य पदक देण्याची मागणी केली आहे.

हरियाणा सरकार सुवर्ण जिंकण्यासाठी सहा कोटी देते

हरियाणा सरकारने पॅरिस ऑलिम्पिकमध्ये सुवर्णपदक जिंकणाऱ्या खेळाडूला 6 कोटी, रौप्यपदक विजेत्याला 4 कोटी आणि कांस्यपदक विजेत्याला 2.5 कोटी रुपयांचे बक्षीस जाहीर केले होते. याशिवाय ऑलिम्पिकमध्ये सहभागी होणाऱ्या खेळाडूंना राज्य सरकार 15 लाख रुपयांची रक्कमही देणार आहे. यासोबतच मेडलनुसार ग्रुप ए, ग्रुप बी किंवा ग्रुप सी सरकारी नोकरीही दिली जाणार आहे.