पतीला इंजेक्शन न मिळाल्याने सैरभेर झालेल्या पत्नीची जीव देण्याची धमकी, मुख्यमंत्र्यांना व्हिडिओ पाठवल्याने खळबळ

विशेष प्रतिनिधी

इंदूर : कोरोनापाठोपाठ म्युकरमायकोसिससारख्या आजाराने डोके वर काढल्याने नागरिकांच्या मनस्थितीवर तीव्र परिणाम झाला आहे. अनेक जण सैरभेर झाले आहेत.Young women threat for suicide

पतीला इंजेक्शन तातडीने मिळाले नाही तर रुग्णालयाच्या छतावरून उडी मारून जीव देण्याची धमकी देणारा व्हिडिओ त्याच्या पत्नीने केला. मध्य प्रदेशचे मुख्यमंत्री शिवराजसिंह चौहान यांच्यासह काही वरिष्ठांना तसा व्हिडिओ पाठविल्यामुळे खळबळ उडाली.



रुग्णालयातील डॉक्टरांनी या महिलेचे समुपदेशन केले. पण तिची मानसिक स्थिती बिघडली आहे. तिच्या पतीला ५९ इंजेक्शन देण्यात आली आहेत, पण आणखी गरज आहे. इंजेक्शन सध्या उपलब्ध नसल्यामुळे इतर औषधे दिली जात आहे.

या महिलेच्या ४० वर्षीय पतीवर बॉम्बे हॉस्पिटलमध्ये उपचार सुरु आहेत. त्यांना अॅम्फोटेरीसीन-बी इंजेक्सन देण्यात आली आहेत, मात्र आणखी डोस देण्याची गरज आहे. त्यामुळे ही महिला तणावाखाली होती.

त्यातून तिने व्हिडिओ करून मुख्यमंत्र्यांसह आरोग्य मंत्री प्रभुराम चौधरी आणि इंदूरचे आयुक्त मनीष सिंह यांचा उल्लेख करीत धमकी दिली. पतीच्या डोळे आणि जबड्यात संसर्ग झाल्याचे तिने नमूद केले.

Young women threat for suicide

महत्वाच्या बातम्या