राजस्थानमध्ये मुख्यमंत्री कोण? : आज आमदारांच्या बैठकीत होऊ शकतो निर्णय, मल्लिकार्जुन खरगे, अजय माकन जयपूरला जाणार|Who is the Chief Minister in Rajasthan Decision may be taken today in MLA meeting, Mallikarjun Kharge, Ajay Maken will go to Jaipur

राजस्थानमध्ये मुख्यमंत्री कोण? : आज आमदारांच्या बैठकीत होऊ शकतो निर्णय, मल्लिकार्जुन खरगे, अजय माकन जयपूरला जाणार

वृत्तसंस्था

जयपूर : भारतीय राष्ट्रीय काँग्रेसच्या अध्यक्षपदाच्या निवडणुकीच्या पार्श्‍वभूमीवर, नवीन मुख्यमंत्रीपदाच्या नावावर निर्णय घेण्यासाठी रविवारी सायंकाळी ७ वाजता जयपूर येथील मुख्यमंत्र्यांच्या निवासस्थानी काँग्रेस विधिमंडळ पक्षाची बैठक बोलावण्यात आली. राजस्थानमध्ये अशोक गेहलोत यांच्या जागी निवडीसाठी ही बैठक होत आहे. या बैठकीसाठी राज्यसभा खासदार मल्लिकार्जुन खर्गे आणि प्रभारी महासचिव अजय माकन यांना निरीक्षक बनवण्यात आले असून ते जयपूरमध्ये उपस्थित राहणार आहेत.Who is the Chief Minister in Rajasthan Decision may be taken today in MLA meeting, Mallikarjun Kharge, Ajay Maken will go to Jaipur

पक्षाच्या अध्यक्षपदाच्या निवडणुकीसाठी अशोक गेहलोत फॉर्म भरणार असल्याची माहिती आहे. गेहलोत यांना काँग्रेसच्या हंगामी अध्यक्षा सोनिया गांधी यांचा पाठिंबा असल्याचे मानले जात आहे. अशा स्थितीत गेहलोत यांचा विजय निश्चित मानला जात असून, त्यानंतर पक्षाच्या हायकमांडला लवकरात लवकर राज्याच्या नव्या मुख्यमंत्रिपदाचा निर्णय घ्यावा लागणार आहे. त्यामुळे जयपूरमध्ये बैठक बोलावण्यात आली आहे.

पंजाब सारखी अवस्था राजस्थानमध्ये होईल सचिन पायलट यांचा साेनिया गांधींना इशारा

सीएम पदावरून संघर्ष

सीएम पदावरून अशोक गेहलोत आणि सचिन पायलट यांच्यात संघर्ष नवीन नाही. एकीकडे पायलट यांना राज्याच्या मुख्यमंत्रिपदाची खुर्ची मिळणे अपेक्षित असताना गेहलोत मात्र याला कडाडून विरोध करत आहेत. अलीकडेच सीएम गेहलोत यांनी एबीपी न्यूजला सांगितले की, त्यांच्या जागी पायलट यांच्याकडे राज्याची सूत्रे सोपवण्याची शक्यता आहे, सोनिया गांधी आमदारांच्या मतानुसारच हा निर्णय घेतील.

सीएम गेहलोत यांनी गेल्या मंगळवारी काँग्रेस आमदारांसोबत बैठक घेतली. बैठकीत गेहलोत म्हणाले होते की, ते आधी राहुल गांधींना अध्यक्ष होण्यास मनधरणी करतील आणि ते तयार न झाल्यास सर्व आमदारांना अर्ज भरण्यासाठी त्यांच्यासोबत दिल्लीला यावे लागेल. त्याचवेळी सचिन पायलट आपल्या समर्थक आमदारांनाही सतत भेटत आहेत. एक व्यक्ती, एक पद या तत्त्वावर गेहलोत पक्षाध्यक्ष झाले तर त्यांनी मुख्यमंत्रिपदाचा राजीनामा द्यावा, असा मनोदयही त्यांनी व्यक्त केला आहे.