दुर्घटना : उत्तराखंडमध्ये 16 प्रवासी असलेली बस दरीत कोसळली, 13 जणांचा दुर्दैवी मृत्यू, तीन जण गंभीर


उत्तराखंडमधील चकराता येथे रविवारी भीषण दुर्घटना झाली. चकराता येथील दुर्गम भाग असलेल्या तुनी रोडवर सकाळी १० वाजण्याच्या सुमारास हा अपघात झाला. मिळालेल्या माहितीनुसार, चकराता येथील भरम खात येथील बायला गावातून विकासनगरकडे जाणारी युटिलिटी रविवारी भायला-पिंगुवा रस्त्यालगत नियंत्रणाबाहेर जाऊन खोल दरीत कोसळली. Uttarakhand accident in Chakrata utility with 16 people fell into a ditch, 12 might dead


वृत्तसंस्था

डेहराडून : उत्तराखंडमधील चकराता येथे रविवारी भीषण दुर्घटना झाली. चकराता येथील दुर्गम भाग असलेल्या तुनी रोडवर सकाळी १० वाजण्याच्या सुमारास हा अपघात झाला. मिळालेल्या माहितीनुसार, चकराता येथील भरम खात येथील बायला गावातून विकासनगरकडे जाणारी युटिलिटी रविवारी भायला-पिंगुवा रस्त्यालगत नियंत्रणाबाहेर जाऊन खोल दरीत कोसळली.

प्राथमिक माहितीनुसार, गाडीत 16 जण होते. ताज्या माहितीनुसार या अपघातात 13 जणांचा मृत्यू झाला असून तीन जण गंभीर जखमी असल्याचं सांगण्यात येत आहे. पोलीस-प्रशासनाला माहिती देण्यात आली आहे. सध्या स्थानिक लोकांकडून मदतकार्य सुरू आहे. डेहराडून येथून एसडीआरएफ, जिल्हा पोलीस आणि अग्निशमन दलाची मदत पथके घटनास्थळी रवाना झाली आहेत.

मुख्यमंत्र्यांनी व्यक्त केले दु:ख

उत्तराखंडचे मुख्यमंत्री पुष्कर सिंह धामी यांनी डेहराडून जिल्ह्यातील चकराता येथे बुलहाड-बिला रस्त्यावर झालेल्या अपघातात लोकांच्या मृत्यूबद्दल शोक व्यक्त केला. त्यांनी जिल्हा प्रशासनाला मदत आणि बचाव कार्य तीव्र करण्यास आणि जखमींना तातडीने वैद्यकीय मदत देण्यास सांगितले आहे.



13 मृतदेह हाती

13 मृतांचे मृतदेह दरीतून बाहेर काढण्यात आले आहेत. पोलिस-प्रशासनाचे पथक घटनास्थळी हजर आहे. स्थानिक लोकही मदत आणि बचाव कार्यात गुंतले आहेत. माहिती मिळताच डेहराडून येथून एसडीआरएफ, जिल्हा पोलीस आणि अग्निशमन दलाचे मदत पथक घटनास्थळी रवाना झाले होते. एसडीएम सौरभ अस्वाल यांनी सांगितले की, पथक अपघातासाठी घटनास्थळी पोहोचले आहे. डेहराडूनचे डीएम डॉ. आर राजेश कुमार यांनी सांगितले की, एसडीएम आणि एडीएम घटनास्थळी पोहोचले आहेत. डेहराडूनमधील डॉक्टरांचे पथकही घटनास्थळी पोहोचले आहे. डॉक्टरांनी शवविच्छेदन करून मृतदेह नातेवाईकांच्या ताब्यात दिला जाईल, असे जिल्हाधकारी म्हणाले. मृत आणि जखमींना आर्थिक मदत देण्याची शिफारस सरकारकडे करण्यात आल्याचे ते म्हणाले.

Uttarakhand accident in Chakrata utility with 16 people fell into a ditch, 12 might dead

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात