Pfizer Vaccine : फायजर कंपनीची नफा न कमावता भारताला कोरोनावरील लस देण्याची घोषणा

By, shreekant patil - April 22, 2021 08:34:59

0

pfizer Vaccine offered on Non profit to supply in India amid corona crisis

Pfizer Vaccine : कोरोना महामारीच्या या काळात जगभरात कोरोना लसींना मोठी मागणी आली आहे. यादरम्यान अमेरिकीची दिग्गज औषध निर्माती कंपनी फायजर (Pfizer) ने भारत सरकारला आपल्या कोरोनावरील लसीचा ‘ना नफा’ तत्त्वावर पुरवठा करण्याचा प्रस्ताव दिला आहे. pfizer Vaccine offered on Non profit to supply in India amid corona crisis

वृत्तसंस्था

नवी दिल्ली : कोरोना महामारीच्या या काळात जगभरात कोरोना लसींना मोठी मागणी आली आहे. यादरम्यान अमेरिकीची दिग्गज औषध निर्माती कंपनी फायजर (Pfizer) ने भारत सरकारला आपल्या कोरोनावरील लसीचा ‘ना नफा’ तत्त्वावर पुरवठा करण्याचा प्रस्ताव दिला आहे. कंपनीच्या प्रवक्त्यांनी गुरुवारी म्हटले की, फायजरने भारतात सुरू असलेल्या लसीकरण मोहिमेसाठी आपली लस ‘लाभरहित मूल्या’वर देण्याचा प्रस्ताव दिला आहे. याचाच अर्थ फायजर नफा न कमावता भारताला लस देऊ इच्छित आहे. फायजर कंपनीने म्हटले की, ते याबाबत भारत सरकारशी बोलणी करत आहेत. लसीकरण मोहिमेसाठी लस उपलब्ध करण्यास आम्ही प्रतिबद्ध आहोत.

यादरम्यान कंपनीच्या प्रवक्त्यांनी भारतात अमेरिकी लसीच्या किमतीवर आलेल्या एका रिपोर्टला फेटाळून लावले, ज्यात दावा करण्यात आला होता की, फायजरने भारतात आपल्या लसीचे दर निश्चित केलेले आहेत. कंपनीने म्हटले की, त्यांनी जगभरातील लोकांसाठी आपली लस समान आणि स्वस्त दरात देण्याच्या दिशेने काम केले आहे. वेगवेगळ्या देशांच्या हिशेबाने लसीचे दर निश्चित केले आहेत.

Pfizer says it has offered India a not-for-profit price for its vaccine for government immunization program pic.twitter.com/aTh1quOFYg

— Reuters Asia (@ReutersAsia) April 22, 2021

कंपनीने म्हटले की, “जगभरात सुरू असलेल्या कोरोना महामारीच्या प्रकोपादरम्यान फायजरला वाटतेय की, त्यांचे प्राधान्य केवळ लसीच्या माध्यमातून सरकारला त्यांच्या लसीकरण मोहिमांमध्ये समर्थन देणे आहे. भारताबाबतही आमची तीच भूमिका आहे.”

दरम्यान, देशात लसीकरण मोहिमेला गती देण्यासाठी सरकारने मागच्या आठवड्यात Moderna, फायजर आणि Johnson & Johnson ने विकसित केलेल्या लसींना भारतात वापरावर मंजुरी देण्यावर चर्चा केली आहे. तथापि, भारतात भारत बायोटेकची कोव्हॅक्सिन आणि सीरमच्या कोव्हिशील्ड लसीचा वापर सुरू आहे. एवढेच नाही, तर या लसींची परदेशातही निर्यात करण्यात आलेली आहे.

pfizer Vaccine offered on Non profit to supply in India amid corona crisis

महत्त्वाच्या बातम्या