लालूंचे काँग्रेसवर टीकास्त्र; तरीही सोनिया फोनवर लालूंशी बोलल्या!!

By, Vishal Joshi - October 27, 2021 11:50:35

0

वृत्तसंस्था

नवी दिल्ली : बिहारचे माजी मुख्यमंत्री आणि चारा घोटाळ्यातील शिक्षा भोगत असलेले आरोपी लालूप्रसाद प्रसाद यादव पुन्हा एकदा बिहारमधील राजकारणाच्या केंद्रस्थानी येऊ पाहत आहेत. त्यांनी कालच काँग्रेसच्या बिहारमधील अस्तित्वावर प्रश्नचिन्ह निर्माण करत टीकास्त्र सोडले होते. बिहार मधल्या पोटनिवडणुकीत काँग्रेसने स्वतंत्र भूमिका घेतल्या बरोबर लालूप्रसाद यादव चिडले आणि त्यांनी काँग्रेसचे प्रदेशाध्यक्ष भक्त चरण दास यांच्या विषयी अनुदार उद्गार काढले. काँग्रेसला महागठबंधन मध्ये आम्ही हरण्यासाठीच जागा सोडत असतो. आत्तापर्यंत महागठबंधनला काँग्रेसने कधी जिंकून दिले आहे का?, असा खोचक सवाल लालूप्रसाद यांनी केला आहे. Lalu’s criticism of Congress; Still Sonia talked to Lalu on the phone !!

लालूप्रसाद यादव काँग्रेसवर भडकले, हरण्यासाठी आणि डिपॉझिट जप्त करून घेण्यासाठी त्यांच्यासोबत आघाडी करायची का?

एवढे होऊन देखील काँग्रेसच्या हंगामी अध्यक्ष सोनिया गांधी यांनी काल लालूप्रसाद यांच्याशी दूरध्वनीवरून बातचीत केली. सोनिया गांधी यांनी काँग्रेस पक्षाच्या सरचिटणीस यांची आणि राज्याच्या प्रभारी यांची महत्त्वपूर्ण बैठक घेतली. त्यानंतर त्यांनी लालूप्रसाद यांना फोन करून त्यांच्याशी चर्चा केली.

Congress interim chief Sonia Gandhi spoke with RJD leader Lalu Prasad Yadav yesterday over phone after the meeting of the party's general secretaries, State in-charges and Pradesh Congress Committee Presidents in Delhi. Details awaited.

(File photos) pic.twitter.com/76ZXeCF3U8

— ANI (@ANI) October 27, 2021

बिहार मधील काँग्रेस लालूप्रसाद यादव यांच्या राष्ट्रीय जनता दलाशी फारकत घेऊन बिहारमध्ये आपले स्वतंत्र अस्तित्व ठळक करू इच्छित आहे. परंतु त्याच वेळी सोनिया गांधी मात्र लालूप्रसाद यादव यांच्याशी जुळवून घेण्याचे संकेत देत आहेत. सोनिया गांधी यांच्या फोन च्या निमित्ताने काँग्रेस पक्षातल्या धोरणातील ही विसंगती समोर आली आहे.