जालंधरचे काँग्रेस खासदार संतोख चौधरींचे निधन; भारत जोडो यात्रेत राहुलजींसोबत चालताना हार्ट अटॅक

By, Pravin Pawar - January 14, 2023 10:39:11

0

वृत्तसंस्था

चंढीगड : पंजाब मधील जालंधरचे काँग्रेस खासदार संतोख चौधरी यांचे भारत जोडो यात्रेदरम्यान हार्ट अटॅक आल्याने निधन झाले आहे. सध्या भारत जोडो यात्रा फगवाडा मध्ये आहे. पण चौधरी यांच्या निधनामुळे यात्रा आजच्या दिवसापूर्वी स्थगित करण्यात आली आहे. Jalandhar Congress MP Santokh Chaudhary passed away

फगवाड्या नजीक भाटिया गावाजवळ भारत जो डो यात्रा असताना खासदार संतोख चौधरी हे खासदार राहुल गांधी यांच्याबरोबर चालत असतानाच त्यांना हार्ट अटॅक आला. अचानक त्यांचा श्वास फुलायला लागला आणि ते रस्त्यावर कोसळले. त्यांना पोलिसांनी आणि राहुल गांधीं बरोबरच्या वैद्यकीय पथकाने ताबडतोब स्थानिक हॉस्पिटलमध्ये दाखल केले. परंतु संतोष चौधरी यांचे प्राण वाचू शकले नाहीत. संतोष चौधरी यांच्या निधनामुळे भारत जोडो यात्रा आजच्या दिवसापूर्वी स्थगित करण्यात आली आहे.

आज दिल का दौरा पड़ने से सांसद संतोख सिंह चौधरी जी के आकस्मिक निधन के बारे में सुनकर अत्यंत दुख हुआ। दुख की इस घड़ी में मेरी संवेदनाएं उनके पूरे परिवार के साथ हैं। वाहेगुरु जी दिवंगत आत्मा को चिर शांति प्रदान करें: पंजाब के पूर्व मुख्यमंत्री कैप्टन अमरिंदर सिंह pic.twitter.com/Q4cePtbvoq

— ANI_HindiNews (@AHindinews) January 14, 2023

#UPDATE | Punjab: Congress MP Santokh Singh Chaudhary passes away – tweets CM Bhagwant Mann.

The MP was taken to a hospital during the Congress party's Bharat Jodo Yatra in Ludhiana today.

(Pic – The MP's Twitter account) pic.twitter.com/QZv8Fjq7lV

— ANI (@ANI) January 14, 2023

काँग्रेसचे निष्ठावंत बडे नेता

संतोख चौधरी हे दोआबा मधले बड़े दलित नेता होते. काँग्रेसचे निष्ठावंत सैनिक होते. मोदी लाटेतही ते 2014 आणि 2019 मध्ये जालंदर मतदार संघातून लोकसभेवर निवडून आले होते. त्या आधी ते कॅप्टन अमरिंदर सिंह यांच्या मंत्रिमंडळात सामाजिक सुरक्षा महिला बालकल्याण मंत्री होते. ते त्यावेळी फिल्लौर मतदारसंघातून विधानसभेवर निवडून आले होते. 2004 ते 2010 या कालावधीत ते पंजाब प्रदेश काँग्रेस कमिटीचे उपाध्यक्ष होते.

संतोख चौधरी यांना राजकीय घराण्याचा वारसा लाभला होता. पंजाबचे पहिले शिक्षणमंत्री गुरुबंता सिंह यांचे ते पुत्र होते. सध्या त्यांचे पुत्र विक्रमजीत सिंह चौधरी हे फिल्लौर मतदार संघातून आमदार आहेत.

2014 मध्ये मोदी लाटेत ते पहिल्यांदा जालंधर मतदार संघातून लोकसभेवर निवडून आले. त्यावेळी त्यांनी अकाली दलाच्या पवन कुमार टिनू यांचा पराभव केला होता. त्यावेळी अकाली दल आणि भाजप यांची युती होती परंतु चौधरी यांची लोकप्रियता त्यापेक्षा भारी ठरली होती. 2019 मध्ये देखील त्यांनी याच मतदारसंघातून विजय मिळवला होता.