भारताने 278 दिवसांत पूर्ण केले 100 कोटी डोसचे लक्ष्य, फक्त चीनच पुढे, इतर देशांमध्ये लसीकरणाची स्थिती काय, जाणून घ्या!। india 100 Crore corona vaccine doses in 278 days only, only china ahead, know other Wolrds status

भारताने २७८ दिवसांत पूर्ण केले १०० कोटी डोसचे लक्ष्य, फक्त चीनच पुढे, इतर देशांमध्ये लसीकरणाची स्थिती काय, जाणून घ्या!

विशेष प्रतिनिधी

नवी दिल्ली : भारताने कोरोनाविरुद्ध लसीकरणात इतिहास रचला आहे. देशात 100 कोटी लसीचे डोस देण्यात आले आहेत. विशेष बाब म्हणजे केवळ 278 दिवसांत भारताने हा विक्रमी आकडा पार केला आहे. यापैकी 70,82,81,784 लोकांना लसीचा एकच डोस मिळाला आहे. 29,16,28,140 लोकांना लसीचे दोन्ही डोस देण्यात आले आहेत. हे 18 वर्षांपुढील लोकसंख्येच्या 30.9% आहे. त्याच वेळी, देशातील 18 वर्षांवरील लोकसंख्येच्या 74.9% लोकांनी किमान एक डोस घेतला आहे. लसीकरणाच्या बाबतीत भारत फक्त चीनच्या मागे आहे. चीनमध्ये 223 कोटी लसीचे डोस देण्यात आले आहेत. india 100 Crore corona vaccine doses in 278 days only, only china ahead, know other Wolrds status

भारताने 278 दिवसांत गाठला जादुई आकडा

भारतात 16 जानेवारीपासून लसीकरण सुरू झाले. त्यावेळी आरोग्य कर्मचाऱ्यांना आणि फ्रंटलाइन योद्ध्यांना ही लस देण्यात आली होती. यानंतर लसीचा दुसरा टप्पा 1 मार्चपासून सुरू झाला. यामध्ये 60 वर्षांपेक्षा जास्त वयाच्या आणि 45 वर्षांपेक्षा जास्त वयाच्या काही गंभीर आजाराने ग्रस्त लोकांना लस देण्यात आली.

100 Crore Doses : १६ जानेवारी ते २१ ऑक्टोबर २०२१, असा होता कोरोना लसीकरणाच्या १०० कोटी डोसपर्यंतचा भारताचा प्रवास

1 एप्रिलपासून देशातील 45 वर्षांवरील सर्व लोकांना ही लस देण्यात आली. भारतात 1 मे रोजी 18 वर्षांवरील सर्व लोकांना लस देण्याची घोषणा करण्यात आली. तथापि, सुरुवातीला देशातील सर्वात संक्रमित शहरांपासून याची सुरुवात झाली. नंतर ते देशाच्या प्रत्येक कोपऱ्यात नेले. सध्या देशातील 63,467 केंद्रांवर ही लस दिली जात आहे. त्यापैकी 61,270 सरकारी आणि 2,197 खासगी केंद्रे आहेत.

इतर देशांतील लसीकरणाची स्थिती

जगात कोरोना लसीचे 6,72,01,51,383 डोस देण्यात आलेले आहेत. जगातील लसीकरण करण्यायोग्य लोकसंख्येच्या 49% लोकांना लसीचा किमान एक डोस मिळाला आहे. तर 37% लोकांना पूर्णपणे लसीकरण करण्यात आले आहे. जगात लसीकरणात चीन आघाडीवर आहे. चीनमध्ये आतापर्यंत 2,232,088,000 लोकांना लस देण्यात आली आहे. चीनचा दावा आहे की, त्यांच्या लसीकरण करण्यायोग्य 79% लोकसंख्येला लसीचा किमान एक डोस मिळाला आहे. तर 75% लोकसंख्येला पूर्णपणे लसीकरण करण्यात आले आहे.