सलमान खुर्शीद यांच्या वक्तव्यावर बोलणार नाही, असे म्हणत कम्युनिस्ट नेते हनान मुल्लांकडून संघ परिवाराची तालिबानशी तुलनाHanan Mullan will not speak on Salman Khurshid's statement

सलमान खुर्शीद यांच्या वक्तव्यावर बोलणार नाही, असे म्हणत कम्युनिस्ट नेते हनान मुल्लांकडून संघ परिवाराची तालिबानशी तुलना

वृत्तसंस्था

नवी दिल्ली : काँग्रेसचे वरिष्ठ नेते सलमान खुर्शीद यांनी हिंदुत्व आणि कट्टर इस्लामी हिंसक दहशतवादी संघटनांची तुलना केल्याच्या मुद्द्यावर भाष्य करण्याचे भारतीय कम्युनिस्ट पक्षाचे नेते हनान मुल्ला यांनी टाळले, पण त्याच वेळी त्यांनी संघ परिवार आणि अफगाणिस्तान मधल्या तालिबानची तुलना करून घेतली.Hanan Mullan will not speak on Salman Khurshid’s statement

आज पत्रकारांशी बोलताना हनान मुल्ला म्हणाले, की काँग्रेसचे वरिष्ठ नेते सलमान खुर्शीद यांनी हिंदुत्वाविषयी काही वक्तव्य केले आहे, त्यावर मी बोलणार नाही पण आज तालिबान जे अफगाणिस्तानमध्ये करत आहे तेच संघ परिवार भारतात घडवून आणत आहे. संघ परिवार देशात दोन धर्मांमध्ये तेढ निर्माण करून हिंसाचार आणि संघर्षाला चिथावणी देत आहे. देशात धर्मनिरपेक्ष शासन व्यवस्था स्थिर होऊ नये असेच त्यांचे प्रयत्न आहेत, अशी टीका हनान मुल्ला यांनी संघ परिवारावर केली.

I don't want to comment on what Salman (Khurshid) said but Sangh is creating communal hatred, attacks continuously increasing. They're not helping secular system to sustain. What Taliban is doing in other States, Sangh people are doing the same here: CPI(M) leader Hannan Mollah pic.twitter.com/9pVA43EJRK

— ANI (@ANI) November 14, 2021

एकीकडे सलमान खुर्शीद यांच्या वक्तव्यावर मी बोलणार नाही पण असा विश्वामित्री पवित्रा घेऊन दुसरीकडे हनान मुल्ला यांनी संघ परिवाराची तुलना अफगाणिस्तानात हिंसाचार माजविणाऱ्या तालिबान राजवटीशी करून घेतली आहे.

सलमान खुर्शीद यांनी अयोध्येच्या निकालाविषयी लिहिलेल्या पुस्तकात हिंदुत्वाची तुलना इस्लामी कट्टर हिंसक दहशतवादी संघटना आयएसआयएस आणि बोको हराम यांच्याशी केली आहे. त्यावर आज खुलासा करताना सलमान खुर्शीद यांनी मखलाशी करून मी हिंदुत्वाची तुलना कट्टर इस्लामी दहशतवादी संघटनांशी केलेली नाही. त्यांना same म्हटलेले नाही, तर फक्त similar म्हटले आहे, असा दावा केला आहे.