Chief Minister Yogi : अल्पवयीन मुलीवर बलात्कार, ब्लॅकमेलिंग अन् ‘सपा’ नेत्याला अटक

By, Pravin Wankhade - August 1, 2024 07:06:04

0

जाणून घ्या, काय आहे प्रकरण ज्यावरून मुख्यमंत्री योगींनी अयोध्येच्या खासदाराला घेरलं

विशेष प्रतिनिधी

अयोध्या : उत्तर प्रदेशातील अयोध्येत अल्पवयीन मुलीवर झालेल्या बलात्काराचे प्रकरण गुरुवारी विधानसभेत गाजले. मुख्यमंत्री योगी ( Chief Minister Yogi ) यांनी या प्रकरणी समाजवादी पक्ष आणि अयोध्येतील सपा खासदार अवधेश प्रसाद यांना कोंडीत पकडले. मुख्यमंत्री योगी आदित्यनाथ म्हणाले की, बलात्काराचा आरोपी समाजवादी पक्षाचा आहे. मागासलेल्या जातीतील मुलीसोबत त्याने दुष्कर्म केले आहे. मात्र अद्यापपर्यंत या संपूर्ण प्रकरणावर एसपींनी कोणतीही कारवाई केलेली नाही. तर आरोपी सपा खासदाराचा जवळचा आहे.

अजितदादांच्या राष्ट्रवादीचा महायुतीला ताप; अमोल मिटकरींचा मनसेशी वाद; मिटकरींनी ओढले मुख्यमंत्र्यांना वादात!!

सीएम योगी म्हणाले की, अयोध्येत १२ वर्षीय अल्पवयीन मुलीवर बलात्काराची घटना घडली आहे. अयोध्येच्या खासदारासोबत राहणारे समाजवादी पक्षाचे नेते मोईन खान या कृत्यात सहभागी असल्याचे आढळून आले. तो त्यांच्याबोरबर उठतोबसतो आणि त्यांच्याबरोबर जेवतो. तो त्याच्याच टीमचा सदस्य आहे. मात्र एसपींनी त्यावर कोणतीही कारवाई केली नाही. मुख्यमंत्री म्हणाले की, अल्पवयीन ही अत्यंत मागास जातीतील आहे. मात्र याप्रकरण समाजवादी पार्टीने कारवाई केलेली नाही. महिलांच्या सुरक्षेचा भंग करणाऱ्यांना सोडले जाणार नाही, असेही योगी म्हणाले.

योगी आदित्यनाथ म्हणाले, ‘तुम्हाला बुलडोझरची भीती वाटते पण ती निष्पाप लोकांसाठी नाही. राज्यातील तरुणांच्या भवितव्याशी खेळणाऱ्या, राज्यातील व्यापारी आणि मुलींच्या सुरक्षेशी तडजोड करणाऱ्या, राज्यात अराजकता निर्माण करून सर्वसामान्यांचे जीवन दयनीय करणाऱ्या गुन्हेगारांसाठी हे आहे. जबाबदारीचा अर्थ आहे… मी इथे नोकरी करायला आलो नाही. ही लढाई काही सामान्य लढाई नाही. मला प्रतिष्ठा मिळवायची असती तर ती मी माझ्या मठात मिळवली असती. मला त्याची गरज नाही.