काँग्रेसचे ज्येष्ठ नेते अधीर रंजन चौधरी हे पक्ष हायकमांडवर नाराज असल्याचं वृत्त आहे Ramdas Athawale offer to Adhir Ranjan Chaudhary
विशेष प्रतिनिधी
नवी दिल्ली : रिपब्लिकन पार्टी ऑफ इंडियाचे अध्यक्ष रामदास आठवले (Ramdas Athawale )यांनी बुधवारी (३० जुलै) काँग्रेस नेते अधीर रंजन चौधरी यांना काँग्रेस सोडण्याचा सल्ला दिला. यासोबतच रामदास आठवले यांनी अधीर रंजन चौधरी यांना खुली ऑफरही दिली. अधीर रंजन चौधरी यांची इच्छा असेल तर ते एनडीए किंवा माझ्या पक्षात सामील होऊ शकतात, असे आठवले म्हणाले.
काँग्रेसमध्ये तुमची अवहेलना आणि अपमान होत असेल, तर तुम्ही आमच्यासोबत या, असे रामदास आठवले यांनी काँग्रेस नेते अधीर रंजन चौधरी यांना म्हटले. तसेच आठवले म्हणाले, ‘काँग्रेसच्या याच वृत्तीमुळे संतप्त झालेले अनेक जण भाजपमध्ये गेले असून आता तुम्हीही काँग्रेस सोडा.’
रिपब्लिकन पार्टी ऑफ इंडियाचे अध्यक्ष रामदास आठवले Ramdas Athawale म्हणाले की, अधीर रंजन चौधरी हे लोकसभा निवडणुकीत पश्चिम बंगालमधून पराभूत झाल्यामुळे त्यांच्याशी असे वागले जात आहे. , ‘मी काँग्रेस नेते अधीर रंजन चौधरी यांना माझ्या पक्षात (आरपीआय) किंवा एनडीएमध्ये सामील होण्यासाठी आमंत्रित करतो.
काय म्हणाले अधीर रंजन चौधरी? (Adhirrangaj Chaudhary)
काँग्रेसचे ज्येष्ठ नेते अधीर रंजन चौधरी हे पक्ष हायकमांडवर नाराज असल्याचं वृत्त आहे. मंगळवारी (३० जुलै) एएनआय या वृत्तसंस्थेशी बोलताना अधीर रंजन चौधरी म्हणाले, ‘नुकत्याच झालेल्या बैठकीत मला माजी प्रदेशाध्यक्ष म्हणून संबोधण्यात आले होते आणि ही माहिती आधी देण्यात आली नव्हती. माजी प्रदेशाध्यक्ष म्हणणे माझ्यासाठी धक्कादायक होते.
To be published, comments must be reviewed by the administrator.*
Our website uses cookies to improve your experience. Learn more
Download App
