विकासशील इंसान पक्षाचे प्रमुख मुकेश साहनींच्या वडिलांची निघृण हत्या!

By, Pravin Wankhade - July 16, 2024 08:00:10

0

जितन साहनी यांचा मृतदेह दरभंगा येथील घरात सापडला

विशेष प्रतिनिधी

दरभंगा : बिहार सरकारमधील व्हीआयपी प्रमुख आणि मंत्री मुकेश साहनी यांचे वडील जितन साहनी यांची बिहारमधील दरभंगा येथे हत्या करण्यात आली आहे. दरभंगा येथील घरात मृतदेह सापडल्यानंतर एकच खळबळ उडाली होती. दरभंगाचे एसएसपी जगुनाथ रेड्डी यांनी जीतन सहानी यांच्या हत्येला दुजोरा दिला आहे. विकासशील इंसान पार्टीचे प्रमुख मुकेश साहनी यांचे वडील सुमारे ६५ वर्षांचे होते, असे सांगितले जात आहे.Vikassheel Insaan Party chief Mukesh Sahnis father brutally murdered

चिराग पासवान ‘NDA’मध्ये जाणार असल्याची चिन्ह ; केंद्रीय मंत्रिमंडळात मिळू शकते स्थान!

मिळालेल्या माहितीनुसार, मुकेश साहनी यांचे वडील जीतन हसनी यांचा मृतदेह त्यांच्या सुपौल बाजार येथील वडिलोपार्जित घरातून सापडला आहे. जी दरभंगा जिल्ह्यातील बिरौल उपविभागातील अफझल्ला पंचायत अंतर्गत येते. जीतन सहानी यांचा मृतदेह गळफास घेतलेल्या अवस्थेत सापडल्याचे सांगण्यात येत आहे. या घटनेनंतर परिसरात एकच खळबळ उडाली असून मोठा जमाव घटनास्थळी पोहोचला. यासोबतच मोठ्या प्रमाणात पोलीस बंदोबस्तही घटनास्थळी तैनात आहे. मात्र, जीतन साहनी यांच्या हत्येमागील कारण काय असू शकते, याची माहिती अद्याप समोर आलेली नाही.

मुकेश साहनी हे बिहारच्या विकासशील इंसान पार्टीचे संस्थापक आहेत. याशिवाय, ते नाविकांचे मोठे नेते आहेत. नुकत्याच झालेल्या लोकसभा निवडणुकीत त्यांनी तेजस्वी यादव यांच्यासोबत अनेक जाहीर सभांना संबोधित केले. त्यांच्या पक्षाच्या व्हीआयपींनी बिहारमध्ये तीन जागांवर निवडणूक लढवली पण एकाही जागेवर त्यांना यश मिळाले नाही.

घटनास्थळावरून समोर आलेली छायाचित्रे हृदय हेलावून टाकणारी आहेत. ज्यामध्ये मृतदेह बेडवर पडलेला आहे. मृतदेह पाहता जीतन साहनी यांच्यावर धारदार शस्त्राने वार करण्यात आल्याचे दिसते. त्यामुळे त्यांचा मृत्यू झाला. मिळालेल्या माहितीनुसार, मुकेश साहनी यांचे वडील जीतन साहनी घरी एकटेच राहत होते. कारण मुकेश साहनी आणि त्याचा भाऊ संतोष साहनी हे बाहेर राहतात. तर त्यांच्या बहिणीचे लग्न झाले असून तीही बाहेरच राहते.