बांगलादेशातील हिंदूंवरील हिंसाचाराचा संयुक्त राष्ट्राकडून निषेध, अल्पसंख्याकांवर होणारे हल्ले देशाच्या संविधानाच्या मूल्यांविरुद्ध असल्याचे प्रतिपादन । UN condemns violence against Hindus in Bangladesh, says attacks on minorities against the values of the country's constitution

बांगलादेशातील हिंदूंवरील हिंसाचाराचा संयुक्त राष्ट्राकडून निषेध, अल्पसंख्याकांवर होणारे हल्ले देशाच्या संविधानाच्या मूल्यांविरुद्ध असल्याचे प्रतिपादन

संयुक्त राष्ट्रसंघाने बांगलादेशातील हिंदू अल्पसंख्याकांवरील हिंसाचाराचा निषेध केला आहे. संयुक्त राष्ट्राने म्हटले आहे की, बांगलादेशातील अल्पसंख्याक हिंदूंवर होणारे हल्ले त्यांच्या संविधानात समाविष्ट केलेल्या मूल्यांच्या विरोधात आहेत. पंतप्रधान शेख हसीना यांच्या सरकारने या घटनांची निष्पक्ष चौकशी करण्याची गरज आहे. बांगलादेशमधील सांप्रदायिक तणाव कायम आहे, कारण रंगपूरच्या उत्तर जिल्ह्यात शनिवार व रविवारदरम्यान हिंसाचार उफाळला. UN condemns violence against Hindus in Bangladesh, says attacks on minorities against the values of the country’s constitution

वृत्तसंस्था

नवी दिल्ली : संयुक्त राष्ट्रसंघाने बांगलादेशातील हिंदू अल्पसंख्याकांवरील हिंसाचाराचा निषेध केला आहे. संयुक्त राष्ट्राने म्हटले आहे की, बांगलादेशातील अल्पसंख्याक हिंदूंवर होणारे हल्ले त्यांच्या संविधानात समाविष्ट केलेल्या मूल्यांच्या विरोधात आहेत. पंतप्रधान शेख हसीना यांच्या सरकारने या घटनांची निष्पक्ष चौकशी करण्याची गरज आहे. बांगलादेशमधील सांप्रदायिक तणाव कायम आहे, कारण रंगपूरच्या उत्तर जिल्ह्यात शनिवार व रविवारदरम्यान हिंसाचार उफाळला.

बांगलादेशमध्ये हिंदूंविरोधात पुन्हा हिंसाचार ; मंदिर तोडफोडीनंतर २९ घरांना लावली आग

बांगलादेशमधील संयुक्त राष्ट्राचे निवासी समन्वयक मिया सेप्पो म्हणाले, “सोशल मीडियावरील द्वेषयुक्त भाषणामुळे बांगलादेशातील अलीकडील हिंदूंवर झालेले हल्ले हे संविधानाच्या मूल्यांच्या विरोधात आहेत आणि हे थांबवण्याची गरज आहे.” आम्ही सरकारला विनंती करतो की, अल्पसंख्याकांची सुरक्षा आणि निष्पक्ष चौकशीची खात्री करावी. सर्वसमावेशक सहिष्णु बांगलादेश मजबूत करण्यासाठी आम्ही सर्वांना एकत्र येण्याचे आवाहन केले आहे. बांगलादेशमध्ये गेल्या काही दिवसांपासून सुरू असलेल्या हिंसाचाराने आंतरराष्ट्रीय समुदायाचे लक्ष वेधले आहे. अमेरिकेनेही हिंदूंवरील या हल्ल्याचा निषेध केला आहे.

हिंदू समाजाने भारतीय उच्चायुक्तांची भेट घेतली

‘द हिंदू’ने सूत्रांच्या हवाल्याने वृत्त दिले आहे की, इस्कॉनसह सर्व समुदायाच्या नेत्यांनी सोमवारी संध्याकाळी ढाका येथील भारतीय उच्चायुक्त विक्रम डोराईस्वामी यांची भेट घेतली. ढाकास्थित संयुक्त राष्ट्रसंघाच्या उच्चपदस्थ अधिकाऱ्याचा संदेश नुकत्याच संपलेल्या दुर्गा पूजेच्या समारंभात अल्पसंख्यंक हिंदूंना लक्ष्य करणाऱ्या सांप्रदायिक हिंसाचारामुळे आला आहे. रंगपूर जिल्ह्यातील पीरगंजमध्ये रविवारी रात्री एका मच्छीमारांच्या गावाला सोशल मीडिया पोस्टमुळे आग लावण्यात आल्यानंतर हिंसाचार झाला.