स्वामी प्रसाद मौर्य नवीन पक्ष काढणार, नाव आणि झेंडा लॉन्च

By, Pravin Wankhade - February 19, 2024 05:00:04

0

22 फेब्रुवारी रोजी दिल्लीतील तालकटोरा स्टेडियमवर रॅलीला संबोधित करणार

विशेष प्रतिनिधी

लखनऊ : समाजवादी पक्षातील दुर्लक्षाचे कारण देत राष्ट्रीय सरचिटणीसपदाचा राजीनामा देणारे स्वामी प्रसाद मौर्य नवा पक्ष स्थापन करणार आहेत. त्यासाठी त्यांनी नव्या पक्षाचे नाव आणि झेंडा लॉन्च केला आहे. ते 22 फेब्रुवारी रोजी दिल्लीतील तालकटोरा स्टेडियमवर रॅलीला संबोधित करतील.Swami Prasad Maurya to form new party launch name and flag

स्वामी प्रसाद मौर्यांनी हिंदू धर्माबद्दल पुन्हा गरळ ओकली, उपमुख्यमंत्री केशव म्हणाले– देवाने त्यांची बुद्धी काढून घेतली

स्वामी प्रसाद मौर्य यांच्या नव्या पक्षाचे नाव राष्ट्रीय शोषित समाज पक्ष असे असेल. त्याच्या ध्वजात निळा, लाल आणि हिरवा रंग असेल. मात्र, दरम्यान सपाचे ज्येष्ठ नेते राम गोविंद चौधरी त्यांची मनधरणी करण्यासाठी त्यांच्या घरी पोहोचले आहेत.

स्वामी प्रसाद मौर्य यांनी नुकताच सपामध्ये दुर्लक्ष केल्याचा आरोप करत पक्षाच्या राष्ट्रीय सरचिटणीसपदाचा राजीनामा दिला होता. अखिलेश यादव यांना लिहिलेल्या पत्रात त्यांनी म्हटले होते की, डॉ. भीमराव आंबेडकर आणि डॉ. राम मनोहर लोहिया यांच्यासह सामाजिक न्यायाच्या बाजूने असलेल्या महापुरुषांनी 85 विरुद्ध 15 असा नारा दिला होता. पण, समाजवादी पक्ष हा नारा सतत निष्प्रभ करत आहे.