तेलंगणाच्या कारखान्यात रिॲक्टरचा स्फोट, 5 ठार; दुर्घटनेच्या वेळी 50 जण होते हजर|Reactor blast at Telangana factory, 5 killed; 50 people were present at the time of the accident

तेलंगणाच्या कारखान्यात रिॲक्टरचा स्फोट, 5 ठार; दुर्घटनेच्या वेळी 50 जण होते हजर

वृत्तसंस्था

हैदराबाद : तेलंगणातील संगारेड्डी जिल्ह्यात एका रासायनिक कारखान्यात रिॲक्टरचा स्फोट होऊन पाच जणांचा मृत्यू झाला. तर 10 जण जखमी झाले आहेत. बुधवारी (3 एप्रिल) सायंकाळी 5 वाजता ही घटना घडली.Reactor blast at Telangana factory, 5 killed; 50 people were present at the time of the accident

अजून अनेक लोक या आगीत अडकले असल्याचे अधिकाऱ्यांनी माध्यमांना सांगितले. मृतांचा आकडा वाढण्याची दाट शक्यता आहे. स्थानिक आणि प्रसारमाध्यमांनी दिलेल्या माहितीनुसार, स्फोटाच्या वेळी इमारतीत 50 लोक उपस्थित होते.

तेलंगणाच्या राज्यपाल तमिलिसाई सुंदरराजन यांचा राजीनामा, लढणार लोकसभा निवडणूक!

एसबी ऑरगॅनिक्स लिमिटेड असे या कारखान्याचे नाव आहे. जो संगारेड्डी जिल्ह्यातील चांदूर गावात आहे. स्फोटानंतर कारखान्यातून काळा धूर निघू लागला. स्थानिक लोकांनी तात्काळ याची पोलिसांना माहिती दिली. त्यानंतर लगेच घटनास्थळी अग्निशमन दल आणि रुग्णवाहिका पाचारण करण्यात आली.

जखमींना रुग्णालयात दाखल करण्यात आले असून यापैकी फक्त काहींची परिस्थिती गंभीर आहे.

कारखान्यात झालेल्या स्फोटानंतरची छायाचित्रे

तेलंगणाचे मुख्यमंत्री रेवंत रेड्डी यांनी कारखान्यात झालेल्या स्फोटावर शोक व्यक्त केला आहे. एसबी ऑरगॅनिक्सच्या रिॲक्टरमध्ये झालेल्या स्फोटाच्या घटनेत अनेकांचा मृत्यू झाल्याची घटना धक्कादायक असल्याचे त्यांनी एक्सवरील पोस्टमध्ये म्हटले आहे. जखमींना उत्तम उपचार करण्याच्या सूचना मी दिल्या आहेत. पीडित कुटुंबांप्रती माझ्या संवेदना.