G20 Summit: पंतप्रधान मोदींचे G20 शिखर परिषदेसंदर्भात ट्वीट, काय म्हणाले ते जाणून घ्या?

By, Sachin Sutar - September 8, 2023 09:30:25

0

9-10 सप्टेंबर रोजी दिल्लीतील ‘भारत मंडपम’ येथे 18 व्या G20 शिखर परिषदेचे आयोजन करण्यात आले आहे.

विशेष प्रतिनिधी

नवी दिल्ली : भारत G-20 शिखर परिषदेचे यजमानपदासाठी तयार आहे आणि परदेशातून पाहुण्यांचे आगमन सुरूच आहे. ब्रिटनचे पंतप्रधान ऋषी सुनक, दक्षिण आफ्रिकेचे अध्यक्ष सिरिल रामाफोसा, जपानचे पंतप्रधान फुमियो किशिदा, बांगलादेशच्या पंतप्रधान शेख हसीना, रशियाचे परराष्ट्र मंत्री सर्गेई लावरोव यांच्यासह अनेक देशांचे प्रमुख आले आहेत. दरम्यान, पंतप्रधान नरेंद्र मोदी यांनी G20 शिखर परिषदेबाबत ट्विट केले आहे. Prime Minister Modis tweet about G20 Summit

पंतप्रधान नरेंद्र मोदी यांनी त्यांच्या पहिल्या ट्विटमध्ये लिहिले की, ”9-10 सप्टेंबर रोजी दिल्लीतील ‘भारत मंडपम’ येथे 18 व्या G20 शिखर परिषदेचे आयोजन करण्यासाठी भारत उत्साहित आहे. भारत पहिल्यांदाच G-20 शिखर परिषदेचे अध्यक्षपद भूषवत आहे. येत्या 2 दिवसांत जागतिक नेत्यांशी सकारात्मक चर्चा होण्याची मला खात्री आहे. मी अनेक जागतिक नेते आणि शिष्टमंडळांच्या प्रमुखांसोबत द्विपक्षीय बैठका घेईन, जेणेकरून ही मैत्री आणि सहकार्य आणखी घट्ट करता येईल.”

मोदींनी त्यांच्या दुसऱ्या ट्विटमध्ये लिहिले आहे की, ”G20 शिखर परिषदेदरम्यान मी ‘एक पृथ्वी, एक कुटुंब आणि एक भविष्य’ या विषयावरील सत्राचे अध्यक्षपद करेन. यादरम्यान जागतिक समुदायाशी संबंधित अनेक मुद्द्यांवर सविस्तर चर्चा होणार आहे. मजबूत, शाश्वत, सर्वसमावेशक आणि संतुलित विकासाचा पाठपुरावा करण्यावरही चर्चा होईल. आम्ही तांत्रिक बदल आणि डिजिटल सार्वजनिक पायाभूत सुविधांसारख्या भविष्यातील क्षेत्रांना उच्च प्राधान्य देतो.”

During the G20 Summit, I will be chairing Sessions on ‘One Earth’, ‘One Family’ and ‘One Future’, covering a range of issues of prime concern to the world community. These include furthering strong, sustainable, inclusive and balanced growth.

We seek to accelerate progress of…

— Narendra Modi (@narendramodi) September 8, 2023

पंतप्रधान नरेंद्र मोदी यांनी त्यांच्या तिसऱ्या ट्विटमध्ये लिहिले की, ”राष्ट्रपती 9 सप्टेंबर रोजी परदेशी पाहुण्यांसाठी डिनरचे आयोजन करतील. 10 सप्टेंबर रोजी राजघाटावर जागतिक नेते गांधीजींना आदरांजली वाहतील. त्याच दिवशी समारोप समारंभात, G20 नेते निरोगी ‘एक पृथ्वी’साठी ‘एक कुटुंब’ म्हणून एकत्र राहून शाश्वत आणि न्याय्य ‘एक भविष्य’साठी त्यांचा सामूहिक दृष्टीकोन सांगतील.