'चला, आज मी तुम्हाला शिक्षा देतो' म्हणत पंतप्रधान मोदींनी आठ खासदारांना संसदेच्या कॅन्टीनमध्ये नेले, अन्... Prime Minister Modi took eight MPs to the Parliament canteen for dinner

‘चला, आज मी तुम्हाला शिक्षा देतो’ म्हणत पंतप्रधान मोदींनी आठ खासदारांना संसदेच्या कॅन्टीनमध्ये नेले, अन्…

पंतप्रधानांनी फोन का केला होता, याची कोणालाच कल्पना नव्हती?

विशेष प्रतिनिधी

नवी दिल्ली : पंतप्रधान नरेंद्र मोदी शुक्रवारी लोकसभेचे कामकाज संपल्यानंतर नवीन संसद भवनाच्या कॅन्टीनमध्ये जेवणासाठी पोहोचले. पंतप्रधानांसोबत एनडीएच्या मित्रपक्षांचे खासदारही होते. कॅन्टीनमध्ये आधीच व्यवस्था करण्यात आली होती. पंतप्रधान मोदींसह 8 खासदारांनी शाकाहारी थाळी खाल्ली. मोदींनी दाळ, भात आणि खिचडी खाल्ली. मोदींनी जेवणासोबत तिळाचे लाडूही घेतले. Prime Minister Modi took eight MPs to the Parliament canteen for dinner Prime Minister Modi took eight MPs to the Parliament canteen for dinner

संसद भवनाच्या कॅन्टीनमध्ये पंतप्रधान मोदींसोबत जेवण घेतलेल्या 8 खासदारांमध्ये एल मुरुगन (भाजप), रितेश पांडे (बसपा), हिना गावित (भाजप), कोन्याक (भाजप), एन प्रेमचंद्रन (रिव्होल्युशनरी सोशालिस्ट पार्टी), सस्मित पात्रा (बीजेडी) , राम मोहन नायडू (टीडीपी) आणि लडाखचे खासदार जम्यांग त्सेरिंग नामग्याल यांचा समावेश होता.

पंतप्रधान मोदींनी खासदारांना वेगळ्या शैलीत कॅन्टीनला भेट देण्यासाठी बोलावले होते. रिपोर्टनुसार, या खासदारांना पीएमओकडून फोन आला होता. पंतप्रधानांनी फोन का केला होता, याची कोणालाच कल्पना नव्हती? जेव्हा सर्व खासदार पंतप्रधानांकडे गेले तेव्हा ते हसत हसत म्हणाले, “चला आज मी तुम्हाला शिक्षा देतो.” त्यानंतर पंतप्रधान सर्वांना घेऊन संसदेच्या कॅन्टीनमध्ये गेले आणि जेवण केले.

सुमारे तासभर खासदार पंतप्रधान मोदींसोबत कॅन्टीनमध्ये थांबले. यावेळी खासदारांनी पंतप्रधानांना त्यांचे अनुभव विचारले. पंतप्रधान मोदींनी वैयक्तिक अनुभव आणि सूचना शेअर केल्या. या काळात कोणतीही राजकीय चर्चा झाली नसल्याचे सूत्रांनी सांगितले.

खासदारांशी संवाद साधताना पीएम मोदी म्हणाले, “मी देखील एक सामान्य माणूस आहे. मी नेहमी पंतप्रधानांसारखे राहत नाही आणि मी लोकांशी बोलतो. अशा परिस्थितीत आज मला तुमच्याशी चर्चा करावीशी वाटली. खासदार म्हणूनच मी तुम्हा सर्वांना बोलावले आहे.