आता आणखी एक केजीएफ, राजस्थानच्या कोटडी भागात सापडली सोन्याची खाण|Now another KGF, a gold mine found in Kotdi area of Rajasthan

आता आणखी एक केजीएफ, राजस्थानच्या कोटडी भागात सापडली सोन्याची खाण

विशेष प्रतिनिधी

राजस्थान : कर्नाटकातील केजीएफनंतर (कोलार गोल्ड फायनरी) आता दुसरी केजीएफ भारतात येत आहे. कोटडी गोल्ड फायनरी असे तिचे नाव असू शकते. याचे कारण राजस्थानच्या भिलवाडा जिल्ह्यातला कोटडी भागात सोन्याची खाण सापडली आहे.Now another KGF, a gold mine found in Kotdi area of Rajasthan

2008 साली मिनरल एक्सप्लोरेशन कॉपोर्रेशननं कोटडी भागात सर्वेक्षण केलं. आता त्याचा अहवाल आला असून जमिनीत सोने आणि तांब्याचे मोठे साठे असल्याचे स्पष्ट झालं आहे.जमिनीखाली 60 ते 160 मीटर आतमध्ये हा खजिना दडला आहे.

केरळ : विमानतळावर प्रवाशाच्या चपला पाहून अधिकाऱ्यांना संशय, शिलाई उसवताच सोन्याची दोन नाणी सापडली

या खाणीत 600 किलो सोनं आणि 250 टन तांब्याचे साठे असल्याचा अंदाज व्यक्त करण्यात आला आहे.भूविज्ञान विभागानं या खाणीसाठी निविदा जारी केली आहे. त्यात ब्लॉकची किंमत 1 हजार 840 कोटी रुपये निश्चित करण्यात आली आहे. निविदेची बोली 128 कोटींपासून सुरू होईल.

भीलवाडा जिल्ह्यात आशियातील सर्वात मोठ्या दोन खाणी आहेत. जगातील दुसरी आणि आशिया खंडातील सर्वात मोठी जस्ताची खाण जिल्ह्यातल्या आगूचा भागात आहे. त्यातच आता सोन्याची खाण मिळाल्यामुळे देशाच्या अर्थव्यवस्थेला त्याचा मोठा फायदा होणार आहे.