Muhammad Yunus : मुहम्मद युनूस यांनी बांगलादेशातील हिंदूंवरील हिंसाचारावर सोडले मौन!

By, Pravin Pawar - August 11, 2024 09:00:45

0

जाणून घ्या, काळजीवाहू सरकारचे सल्लागार असलेले युनूस यांनी नेमकं काय म्हटले आहे?

विशेष प्रतिनिधी

नवी दिल्ली : बांगलादेशच्या काळजीवाहू सरकारचे सल्लागार, मुहम्मद युनूस ( Muhammad Yunus )यांनी शनिवारी, 11 ऑगस्ट रोजी, अल्पसंख्याक समुदायांना, विशेषत: हिंदूंना लक्ष्य करणाऱ्या हल्ल्यांचा निःसंदिग्धपणे निषेध केला आणि त्यांना ‘घृणास्पद’ म्हटले. मुहम्मद युनूस यांनी असा इशारा दिला की अल्पसंख्याकांवर हल्ले म्हणजे त्यांची प्रगती कमी करण्याचा प्रयत्न असू शकतो.

युनूस रंगपूर शहरातील बेगम रोकेया विद्यापीठातील विद्यार्थ्यांना म्हणाले, “ते (अल्पसंख्याक) या देशातील लोक नाहीत का? तुम्ही (विद्यार्थी) हा देश वाचवण्यास सक्षम आहात; तुम्ही काही कुटुंबांना वाचवू शकत नाही का? तुम्हाला म्हणावे लागेल की कोणीही त्यांचे नुकसान करू शकत नाही, आम्ही एकत्र लढू आणि आम्ही एकत्र राहू.

Bangladesh : बांगलादेशात 52 जिल्ह्यांमध्ये हिंदूंवर 205 हल्ले; हजारो हिंदू आंदोलक रस्त्यावर; आता मोहम्मद युनूस यांना शांततेची उपरती!!

बांगलादेशात हिंदू हा सर्वात मोठा अल्पसंख्याक गट आहे. बांगलादेशात हिंदूंची एकूण संख्या १.३ कोटी आहे, म्हणजे बांगलादेशच्या एकूण लोकसंख्येच्या ८ टक्के.

बांग्लादेश हिंदू बौद्ध ईसाई ओइक्या परिषद आणि बांग्लादेश पूजा उद्जाद परिषदया दोन संघटनांनी शनिवारी देशव्यापी तोडफोड आणि मंदिरे, त्यांची घरे आणि व्यवसायांवर झालेल्या हल्ल्यांदरम्यान सुरक्षेच्या मागणीसाठी ढाका आणि चितगाव येथे निषेध रॅली काढल्या. शेख हसीना यांच्या काळात देशातील 52 जिल्ह्यांमध्ये अल्पसंख्याकांवर 205 हल्ले झाले आहेत. मात्र, हल्ल्याच्या प्रकाराबाबत सोशल मीडियावर वेगवेगळी मते मांडली जात आहेत.

बांगलादेशातील हिंदू आणि इतर अल्पसंख्याक आणि तेथे राहणाऱ्या भारतीयांच्या सुरक्षेसाठी भारत सरकारने एक विशेष समिती स्थापन केली आहे. बांगलादेशातील अल्पसंख्याकांवर झालेल्या हल्ल्याच्या आरोपानंतर, देशातील धार्मिक अल्पसंख्याकांच्या सुरक्षेसाठी देशातील सरकार रविवार, 11 ऑगस्टपासून हॉटलाइन सुरू करू इच्छित आहे.