काश्मीरमध्ये आतापर्यंतची सर्वात दीर्घ चकमक; 6 दिवसांत 6 दहशतवादी ठार, 5 जवानही शहीद

By, Pravin Pawar - September 19, 2023 11:45:24

0

वृत्तसंस्था

श्रीनगर : काश्मीरमधील अनंतनागमध्ये सोमवारी 18 सप्टेंबर रोजी सहाव्या दिवशीही चकमक सुरूच आहे. मीडिया रिपोर्ट्सनुसार, या भागात आतापर्यंतची ही सर्वात दीर्घ चकमक आहे.Longest ever encounter in Kashmir; 6 terrorists killed in 6 days, 5 jawans also martyred

गेल्या 6 दिवसांत सुरक्षा दल आणि दहशतवाद्यांमध्ये तीन ठिकाणी चकमक झाली. यामध्ये कर्नल, मेजर आणि डीएसपी यांच्यासह 5 जवान शहीद झाले आहेत, तर लष्कराने अनंतनागमध्ये 1 दहशतवादी, बारामुल्लामध्ये 3 आणि राजौरीमध्ये 2 म्हणजेच एकूण 6 दहशतवाद्यांचा खात्मा केला आहे.

काश्मीरमध्ये अक्रित घडले; 15 ऑगस्ट स्वातंत्र्य दिनाचे सेलिब्रेशन जबरदस्त झाले!!

लष्कराने आज बेपत्ता सैनिक प्रदीपचा मृतदेह अनंतनागमधून बाहेर काढला आहे. याशिवाय चकमकीच्या ठिकाणाहून एक अनोळखी मृतदेहही सापडला असून तो दहशतवाद्याचा असल्याचा संशय आहे. गडुल कोकरनागच्या जंगलात आणखी दोन दहशतवादी लपल्याचा लष्कराला संशय आहे. अत्याधुनिक ड्रोन हेरॉन मार्क-2 च्या सहाय्याने त्यांची ठिकाणे शोधली जात आहेत.

यापूर्वी 2020 मध्ये सुरक्षा दल आणि दहशतवाद्यांमध्ये 18 तास चकमक झाली होती. त्याच वेळी, जम्मू-काश्मीरमधील ही तिसरी सर्वात लांब चकमक आहे. यापूर्वी, जम्मूच्या पूंछ जिल्ह्यात भाटी धार वन ऑपरेशन 9 दिवस चालले होते. 31 डिसेंबर 2008 रोजी सुरू झालेले ऑपरेशन 9 जानेवारी 2009 रोजी संपले.

2021 मध्ये जम्मूमध्ये आतापर्यंतची सर्वात मोठी चकमक झाली. पूंछ जिल्ह्यातील डेरा की गली आणि भिंबर गली दरम्यानच्या जंगलात 19 दिवस ही कारवाई सुरू होती.

श्रीनगर जिल्ह्यातील ख्वाजा बाजार चौकात एका दहशतवाद्याने सीआरपीएफच्या वाहनावर गोळीबार केला. यानंतर तो घटनास्थळावरून पळून गेला. या घटनेत कोणीही जखमी झाले नसल्याचे पोलीस अधिकाऱ्यांनी सांगितले.

किश्तवाडमध्ये तीन संशयित दहशतवाद्यांना अटक

सोमवारी जम्मू-काश्मीरच्या किश्तवाड जिल्ह्यात हिजबुल मुजाहिद्दीन या दहशतवादी संघटनेशी संबंधित तीन संशयित दहशतवाद्यांना सार्वजनिक सुरक्षा कायद्यांतर्गत (PSA) अटक करण्यात आली. तौसिफ-उल-नबी, जहूर-उल-हसन आणि रियाझ अहमद अशी त्यांची नावे आहेत. तिघांचीही तुरुंगात रवानगी करण्यात आली आहे.

त्याचवेळी किश्तवाड जिल्ह्यातच पोलीस आणि सुरक्षा दलांनी संयुक्त तपासणी मोहिमेदरम्यान एका व्यक्तीला अटक केली आहे. त्याच्या कारमध्ये सुमारे 70 किलो वजनाच्या 560 जिलेटिनच्या काड्या सापडल्या. किश्तवारचे एसएसपी खलील पोसवाल यांनी सांगितले की, तो रस्ता बांधकामासाठी वापरण्यात येणाऱ्या स्फोटक सामग्रीची अवैध वाहतूक करत होता.