निवडणुकीपूर्वी प्रचारादरम्यान केलं होतं नाव बदलण्याचं विधान, आता शब्द पाळावा लागला
विशेष प्रतिनिधी
अमरावती : यंदाच्या लोकसभा आणि विधानसभा निवडणुकीदरम्यान विरोधी पक्षनेत्यांनी अनेक दावे केले होते. असाच दावा आंध्र प्रदेशच्या युवाजन श्रमिका रिथू काँग्रेस पक्षाचे (वायएसआरसीपी) नेते मुद्रागदा पद्मनाभम यांनीही केला होता. निवडणुकीदरम्यान पद्मनाभम यांनी दावा केला होता की जनसेना पक्षाचे प्रमुख पवन कल्याण विजयी झाल्यास ते (मुद्रागदा पद्मनाभम) स्वत:चं नाव बदलतील. अखेर पद्मनाभम यांनी आता त्यांच्या दाव्यानुसार नाव बदलले आहे. त्यांनी आता अधिकृतपणे त्यांचे नवीन नाव बदलून पद्मनाभ रेड्डी केले आहे.Jaganmohan Reddys party leader changed his name after Pawan Kalyan did not lose the election
आंध्र प्रदेशच्या पिथापुरम विधानसभा मतदारसंघातून पवन कल्याण विजयी झाले आहेत. या जागेवरून वायएसआरसीपीच्या उमेदवार वेंगा गीता विश्वनाथ दुसऱ्या स्थानावर आहेत. यादरम्यान मुद्रागदा पद्मनाभम यांनी दावा केला होता की पवन कल्याण वायएसआरसीपी उमेदवाराविरुद्ध जिंकू शकणार नाहीत. मात्र, या निवडणुकी पवन कल्याण विजयी झाले आणि सरकारमध्ये उपमुख्यमंत्रीही झाले आहेत.
दरम्यान, पद्मनाभ रेड्डी यांनीही जनसेना प्रमुखांचे चाहते आपल्याशी गैरवर्तन करत असल्याची तक्रार केली आहे. रेड्डी म्हणाले, ‘पवन कल्याणचे चाहते असलेले तरुण आम्हाला सतत शिवीगाळांनी भरलेले मेसेज पाठवत आहेत. माझ्या मते हे योग्य नाही. शिवीगाळ करण्यापेक्षा एक काम करा…मला आणि माझ्या कुटुंबियांना इथून बाहेर काढा.’ पद्मनाभ रेड्डी निवडणुकीच्या काही काळापूर्वी वायएसआरसीपीमध्ये सामील झाले होते.
To be published, comments must be reviewed by the administrator.*
Our website uses cookies to improve your experience. Learn more
Download App
