वृत्तसंस्था
बंगळुरू : चांद्रयान 3 आणि आदित्य L1च्या यशामुळे इस्रो आणि तेथील शास्त्रज्ञ चर्चेत आहेत. देश-विदेशात सर्वांचेच कौतुक होत आहे. दरम्यान, एक हृदयस्पर्शी घटना समोर आली आहे.ISRO Chief S Somnath was given a special gift by a neighbor boy; Self made model of Vikram lander, shared special moment
एका लहान मुलाने इस्रोचे प्रमुख एस. सोमनाथ यांना खास भेट दिली आहे. इस्रो प्रमुखांच्या शेजारी राहणाऱ्या या लहान मुलाने स्वत:च्या हाताने विक्रम लँडरचे मॉडेल बनवले. या मुलाने हे मॉडेल इस्रो प्रमुखांना भेट म्हणून दिले.
इस्रोचे शास्त्रज्ञांनी दिली माहिती
इस्रोचे शास्त्रज्ञ पीव्ही वेंकीटाकृष्णन यांनी हा क्षण त्यांच्या X खात्यावर शेअर केला आहे. आपल्या पोस्टमध्ये त्यांनी लिहिले की, इस्रो प्रमुख सोमनाथ यांच्या घरी एक सरप्राईज व्हिजिटर आला. एक अतिशय तरुण शेजारी, ज्याने त्याला स्वतःच्या हातांनी बनवलेले विक्रम लँडरचे मॉडेल भेट दिले. या मुलाने हे सर्व शेजाऱ्यांच्या वतीने इस्रो प्रमुखांना दिलेली भेट म्हटले आहे.
इस्रोच्या शास्त्रज्ञांना मिळतोय सन्मान
अलीकडच्या अंतराळ मोहिमांच्या यशानंतर इस्रोच्या वैज्ञानिकांना चौफेर आदर मिळत आहे. शनिवारी सौर मिशन आदित्य एल 1 च्या प्रक्षेपणानंतर पंतप्रधान नरेंद्र मोदी यांनीही अंतराळ संस्थेचे अभिनंदन केले. पीएम मोदींनी आपल्या ट्विटमध्ये लिहिले की, चांद्रयान-3 नंतर भारताचा अवकाशात प्रवास सुरूच आहे. पहिल्या सौर मोहिमेच्या यशस्वी प्रक्षेपणानंतर इस्रोच्या सर्व शास्त्रज्ञ आणि अभियंत्यांचे खूप खूप अभिनंदन.
त्यांनी पुढे लिहिले की, आमच्या शास्त्रज्ञांच्या अथक प्रयत्नांमुळे आम्ही मानवतेच्या भल्यासाठी विश्वाचा अभ्यास करत राहू.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App