भारतीय हवाई दलास लवकरच मिळणार १२ नवीन स्वदेशी ‘Su-30MKI’ विमाने!

By, Sachin Sutar - September 15, 2023 07:00:18

0

संरक्षण मंत्रालयाने या प्रोजेक्टसाठी तब्बल ११ हजार कोटी रुपये मंजूर केले आहेत.

विशेष प्रतिनिधी

नवी दिल्ली : संरक्षण मंत्रालयाने आज भारतीय लष्करासाठी स्वदेशी बनावटीची विमाने खरेदी करण्यास मंजुरी दिली आहे. जे देशात तयार होतील. एएनआयच्या वृत्तानुसार, संरक्षण मंत्रालयाने आज भारतीय हवाई दलासाठी १२ ‘Su-30MKI’ खरेदी करण्याच्या प्रस्तावाला मंजुरी दिली आहे, जी हिंदुस्तान एरोनॉटिक्स लिमिटेडद्वारे भारतात निर्माण केली जातील. प्राप्त माहितीनुसार, संरक्षण मंत्रालयाने या प्रोजेक्टसाठी तब्बल ११ हजार कोटी रुपये मंजूर केले आहेत. Indian Air Force will soon get 12 new indigenous Su 30MKI aircraft

या प्रकल्पात विमाने आणि संबंधित ग्राउंड सिस्टमचा समावेश असेल. विमानात आवश्यकतेनुसार ६० टक्क्यांहून अधिक देशी सामग्रीचा समावेश असेल. ही भारतीय वायुसेनेची सर्वात आधुनिक Su-30 MKI विमानं असतील, जी अनेक भारतीय शस्त्रे आणि सेन्सर्सने सुसज्ज असतील.

#WATCH | Defence Ministry today approved the proposal for the procurement of 12 Su-30MKIs for the Indian Air Force which would be manufactured in India by Hindustan Aeronautics Limited. The Rs 11,000 crores project would include the aircraft and related ground systems. The… pic.twitter.com/dJHudSR8HL

— ANI (@ANI) September 15, 2023

नुकतीच १५ सप्टेंबर रोजी केंद्रीय संरक्षण मंत्री राजनाथ सिंह यांच्या अध्यक्षतेखाली एक बैठक झाली. या बैठकीत, संरक्षण संपादन परिषद (DAC) ने अंदाजे ४५ हजार कोटी रुपयांच्या प्रस्तावांना आवश्यकतेनुसारची मान्यता दिली आहे. मंत्रालयाने म्हटले आहे की या सर्व खरेदी भारतीय विक्रेत्यांकडून केल्या जातील, ज्यामुळे भारतीय संरक्षण उद्योगाला ‘आत्मनिर्भर भारत’च्या दिशेने प्रोत्साहन मिळेल.